لژنا بلند یا ڤاكسیندانا دژی كۆرۆنایێ ل دهۆكێ ب سهرپهرشتیا د.ئهفراسیاب موسا یونس، رێڤهبهرێ گشتی یێ ساخلهمییا پارێزگهها دهۆكێ كۆمبوو.
د.لوما حازم، بهرپرسا پشكا ڤاكسیندانێ ل كاروبارێن خوه پاراستنا ساخلهمیێ بۆ خانی نیوز دیاركر، مهرهم ژ كۆمبوونێ چاوانیا خوه ئامادهكرنێ ژ بۆ وهرگرتن، بهلاڤكرن و دانانا ڤاكسینێ كۆرۆنایێ بوو و د كۆمبوونێ دا باس ل چاوانیا ڕاهێنانا ستافێ ڤاكسیندانێ هاته كرن.
بهرپرسا پشكا ڤاكسیندانێ دیاركر ژی، دو نهخۆشخانه بۆ ڤاكسیندانا ستافێ ساخلهمیێ هاتینه دهستنیشانكرن و دگهل گههشتنا ڤاكسینێ بۆ پارێزگهها دهۆكێ دێ دهست ب دانانا ڤاكسینێ وان هێتهكرن و گۆت: ل قوناغا ئێكێ كهرتێ ساخلهمیێ دێ ڤاكسینێ وهرگریت و ل قوناغا دوێ دێ بۆ كهسێن دانعهمر هێتهدانان و ل دهۆكێ 37 بنگههێن ڤاكسیندانێ دێ ههبن و ل ههفتیا بهێت دێ دهست ب ڕاهێنانا كارمهندێن وان هێتهكرن.
د. لومایێ گۆت ژی: سێ جۆرێن ڤاكسینێ دژی كۆرۆنایێ دێ گههنه پارێزگهها دهۆكێ و رێڤهبهریا گشتی یا ساخلهمییێ ئامادهكاری یێن وهرگرتنا وان و چاوانیا گههاندنا وان بۆ كهسێن كو پێدڤیه ڤاكسینێ بدانن، كرینه.
