سه‌نته‌رێ كاڤین یێ كۆرۆنایێ هاته‌ گوهۆرین

نێزیكی ساله‌كێ بوو‌ سه‌نته‌رێ كاڤین هاتبوو دروستكرن بۆ نه‌خۆشێن ڤایرۆسێ كۆرۆنایێ و زێده‌ترى 400 نه‌خۆشێن كۆرۆنایێ تێدا هاتنه‌ چاره‌كرن؛ لێ د نها دا ئه‌و سه‌نته‌ر هاته‌ گوهۆرین ب نه‌خۆشخانا سۆتن و جوانكاریێ.

قادر قاسم، هاریكارێ رێڤه‌به‌را نه‌خۆشخانا سۆتن و جوانكاریێ دیاركر، نه‌خۆشخانا وان یا نوو ژ 29 ته‌ختان پێكدهێت و نوكه‌ 9 نه‌خۆش هاتینه‌ نڤاندن دا، داكو بشێن زێده‌تر خزمه‌تا وه‌لاتیێن پارێزگه‌ها دهۆكێ بكه‌ن وان پێدڤی ب 100 ته‌ختان هه‌یه‌.

هاریكارێ رێڤه‌به‌را نه‌خۆشخانا سۆتن و جوانكاریێ گۆت ژی: نه‌خۆشخانا سۆتن و جوانكاریێ دێ بۆ ب شێوه‌یه‌كێ ده‌مكی ل جهێ نها بیتن، هه‌كه‌ ترسا به‌لاڤبوونا ڤایرۆسێ كۆرۆنایێ كێم بوو ئه‌و دێ جاره‌كا دى ڤه‌گه‌رنه‌ جهێ خوه‌.

خانى نیوز، ئاریان به‌روارى