فۆئاد حسێن، وهزیرێ دهرڤه یێ ئیراقێ د چارچووڤێ سهرهدانا خوه دا بۆ ئیرانێ دگهل بهرپرسێن حكومهتا وى وهلاتى كۆمبوو و ب عهلى شهمخانى، ئهمیندارێ گشتى یێ جڤاتا بلند یا ئاساییشا نهتهوهى یا ئیرانێ راگههاند، ل دهمهكێ نێزیك ئهو دێ قهرێن ئیرانێ دهن.
فۆئاد حسێن ئاماژه ب وێ یهكێ ژى كر، ژ ئهگهرێ سزایان دانا قهرێن ئیرانێ گیرۆبوویه لێ ب ههول و ماندیبوونا لایهنێن پهیوهندیدار یێن بانك و دارایى و ئابوورى یێن ئیرانێ و ئیراقێ بزاڤێن گرنگ هاتینه كرن و ل دهمهكێ نێزیك ل سهر بنهمایێ وێ رێكهفتنا دناڤبهرا بهغدا و تههرانێ دا دانا قهران دی دهستپێكهت.
ل گۆرهى ئامارێن فهرمى یێن ئیرانێ، 5 ملیار دۆلار قهر ل سهر ئیراقێ ههنه، پتریا وان قهرێن فرۆتنا كارهبێ و غازێ نه ب پارێزگههێن باشوور و ناڤهراستا ئیراقێ.
