قائیدى: حكومه‌تا ئیراقێ د پرسا رزگاربوویان دا هاریكار نینه‌

به‌رپرسێ نڤیسینگه‌ها ره‌ڤاندیێن كوردێن ئێزدى بۆ خانى نیوز راگه‌هاند: نیڤه‌كا خەلکێ وان یێن کەفتینە د دەستێ تیرۆرستان دا هاتینە رزگار کرن پێدڤی بوو، بۆ ماوێ حەفت سالان حکومەتا عیراقێ خوه‌ لێ کربا خودان و نە هاڤێتنا هیچ پێنگاڤەکێ ژ لایێ حکومەتا عیراقێ یا بوویه‌ جهێ دلگرانییا خەلکێ مە، بەلێ ئەڤ پێنگاڤا هاتییە هاڤێتن کو پرۆژێ یاسایێ یێ رزگاربوویێ دەستێ داعشێ یان گرتیێ دەستێ داعشێ پرۆژەیه‌کێ باشە و پێنگاڤێن باش یێن تێدا هەی، هەرچەندە قەرەبوویا وان سەد سەدێ ناهێتە کرن ژبەرکو ئەو کچ و ژنێن کو هەمی تشتێن خوه‌ ژدەست داینه‌.

حسێن قایدى دیار كر ژى، ئه‌ڤه‌ پێنگاڤەکا باشە بۆ هندێ كو ئازارێن وان كێم ببن ڤە و ئەو حەزدکەن ئەڤ بابەتە نەبیتە بابەتەکێ سیاسی ژبەرکو ئەڤە بابەتەکێ مرۆڤایەتی یە و وه‌لاتیێن هاتینە گرتن هه‌موو وەلاتیێن سڤێل بوون و پێدڤیە حکومەتا ئیراقێ خوه‌ ل ڤی بابەتی بکەتە خودان.

گۆت ژى: ئه‌وو داخوازێ ژ وان کوتلێن دی ژی یێن پەرلەمانی ژ شیعە و سنا دکەن کو دەنگی ل سەر بدەن ژبەرکو  ئەڤە بابەتەکێ مرۆڤایەتی یە.

قائیدى دیاركر ژى، بۆ ماوێ حەفت سالانە حکومەتا ئیراقێ نەیا هاریکارە و هیچ پێنگاڤەک ن هاڤێتینه‌، لێ پشتی هندەك فشار هاتینە دان ل سەر حکومەتا ئێراقێ کو ئەڤ پرۆژە یاسایە هاتییە پێشکێشکرن بۆ پەرلەمانی و پێنگاڤەکا باشە بۆ چارەسەرکرنا هندەك گرفتێ وان رزگاربوویێن دەستێ داعشێ یان ژی ئه‌وێن هەتا نها نه‌هاتینه‌ ‌رز‌گاركرن.

خانی نیوز: چنار ئەحمەد