ئەڤڕۆ دووشەمبى 2021/3/1 مەسرور بارزانی سەرۆکێ حکومەتا هەرێما کوردستانێ، ل گەڵ نەقیب و ئەندامانێن جڤاتا سەندیکایا ڕۆژنامەڤانییا کوردستانێ کۆمبوویه.
ل دهستپێكا کۆمبوونێ دا، ئازاد حەمەدەمین نەقیبی سەندیکایا ڕۆژنامەنڤیسێن کوردستانێ و ئەندامانێن جڤاتێ، کورتیهك دەربارەی کار و چالاکێن سەندیکایان دیار كر و ئاماژه ب هندێ ژى دا، کو ل هەرێما کوردستانێ، ئازادی ڕاگەهاندن هەیە، بهلێ کاری میدیایێ ل هەرێما کوردستانێ، ژ لایێ یاسا و پیشەییڤه، پێدڤى ب ڕێکخستنێ هەیە بۆ هندێ ڕێگری ل وێ چهندێ بهێته كرن د بوارێ ڕاگەهاندن هەیى.
سەرۆکێ حکومەتێ جەخت ل پشتهڤانی و پشتگیرییا حکومەتا هەرێما کوردستانێ کرییه، بۆ ڕۆژنامەنڤیسان و میدیاکارێن کوردستانێ و کاری ڕۆژنامەگەریێ د هەرێمێ دا و ئاماژە ب ڕۆڵ و پێگەها ڕۆژنامەنڤیسان کر، ل هۆشیارکرنا کۆمەڵگەهێ و ههڤکاریکرنا حکومەتێ ل دەستنیشانکرنا گرفت وئاریشان و سەرپێچییان، ب مەبەستا نەهێلان و چاککرن و باشترکرنا ئەزموونا حوکمڕانیێ ل کوردستانێ. گۆت ژى ئازادییتا ڕادەربڕین بنەمایەکێ سەرەکیێ کۆمەڵگەها پێشکەفتییه.
سەرۆکێ حکومەتێ دووپاتیکرییه کو حکومەتا هەرێما کوردستانێ، زەمینەكا ئازادیا ڕادەربڕینی بۆ ڕاگەهاندنکاران خۆشکرییه بۆ هندێ ڕۆڵێ کاریگەرێ خوه ل کۆمەڵگەهێدا بگێڕن. گۆتی ژى ڕاگەهاندنکارێن کوردستانێ، نابیت ڕێك بدەن پیشەیا پیرۆزا ڕۆژنامەگەریێ، ب مەبەستا تاوان و تێکدانی ئاشتییا کۆمەڵایەتی بهێنه بكارئینان.
مهسرور بارزانى پشت راستى دا کو حکومەتا هەرێما کوردستانێ، ب هەموو شێوەیەک داکۆکیێ و پشتگیریێ ل ئازاديا کارێ ڕۆژنامەگەریێ ل کوردستانێ دکهت، بۆ هندێ ڕاگەهاندنكارێن کوردستانێ، بشێن ب شێوەیەکی پرۆفیشنال و دوور ژ هەر ئەجێندایەکا نهپیشەییانە، کارێ خوه ئەنجام بدەن، ب جۆرهکى د بەرژەوەندیا گشتی دا و پاراستنا دەسکەفتێن نیشتمانیی بیت.
