گه‌نجان چه‌وا سه‌ره‌ده‌ریێ دگه‌ل تۆرێن جڤاكى وسۆشیال میدیایێ دكه‌ن و پتریا جاران د ناڤ تاخ و چینێن جڤاكى دا مه گوهـ ل گه‌له‌ك په‌یڤان دبین وه‌كى هێشتا زوی بوو بۆ مه سۆشیال میدیا یان ئه‌م و ته‌كنولۆجیا گه‌له‌ك ژ ئێك دوورین، بۆچى ئه‌ڤ په‌یڤه دهێنه گۆتن؟ بكارهێنه‌رێن تۆرێن جڤاكى هه‌ر پرسیاره‌كا ژ گه‌نجه‌كى بكه‌ى نزانیت ب شێوه‌یه‌كێ رێك وپیك به‌رسڤێ بده‌ت، ئه‌رێ بۆچى د ژیانا رۆژانه دا سۆشیال میدیایێ بكاردئینیت؟ ئه‌وا سۆشیال میدیا ژمه وه‌رگرتیه مه هند ژێ وه‌رنه‌گرتیه، بۆ نموونه پتریا كیشێن جڤاكى هه‌موو ئه‌گه‌رێن ڤان جۆره تۆرێن جڤاكى نه و پیدڤیه ده‌مێ هه‌ر كه‌سه‌ك دهێته د ناڤ جیهانا ئه‌نترنێتى و سۆشیالێ دا ب شیوه‌كێ ساخله‌م و ئه‌كادیمی بكاربینیت، ژبه‌ركو ترسا وێ گه‌له‌ك مه‌زنتره ژ باشیێن وێ، هه‌كه ته نه‌زانى ب شێوه‌كێ جوان بكاربینى بوویه ئاگه‌هدارى ده‌مژمێرێن ژیانا خوه به و بزانه دێ چاوا سه‌ره‌ده‌ریێ گه‌ل كه‌ى، ئێدى دبیت هه‌موو ئه‌و گه‌نجێن سۆشیالێ بكاردئینن د ژیانا رۆژانه یا خوه دا پێدڤیه هنده‌ك یاسا و رێنمایێن زانستى بخوه دانن وپێگیریێ پێ بكه‌ن، ژبه‌ركو كێشێن ده‌روونى گه‌له‌ك یێن مشه بووین و گه‌نج و تایبه‌ت سنێله تووشى ڤێ كێشا ده‌روونى دبن، به‌لێ مخابن گه‌نجێن مه نه‌شێن بكارئینانا سۆشیال میدیایێ بخوه بكه‌نه پره‌ك بۆ پێشڤه‌برنا پاشه‌رۆژا خوه، ل ولاتێن جیهانی گه‌نج دبنه بازرگان و بزنسمان و دبنه خودان داهاته‌كێ مه‌زن و ئێدى ئه‌و دزانن چاوا مفاى ژ ته‌كنولۆجیایێ وه‌رگرن، به‌رۆڤاژى ل كن مه گه‌له‌ك رێژه‌كا كێم دهێته دیتن گه‌نج و لاوێن مه مفاى ژێ وه‌رگرن، پتریا جاران كێشه و خرابیێن تۆرێن جڤاكى پترن ژ باشیێن وێ، ئێدى ئه‌م ئه‌و كه‌سێن سۆشیالێ بكاردئینن ئه‌م گونه‌هبارین و پێدڤیه قانوونێن ژیانا خوه رێك بێخین و ب شێوه‌كێ ئه‌كادیمیى و زانستى بكاربینین، ژبۆ باشتركرنا پاشه‌رۆژا خوه و یا وه‌لاتێ مه، هێڤیه ژ هه‌موو وان كه‌سێن تۆرێن جڤاكى بكاردئینن ببنه هۆكاره‌ك بۆ ئاڤاكرنا وه‌لاتى و پاشه‌رۆژا خوه.
