١٧٠ ئەندامێن کۆنگرێسێ ویلایهتێن ئیكگرتى یێن ئەمریکا ژ کۆماری و دیموکراتان پەیامەک ئاراستەیی ئەنتۆنی بلینکن، وەزیرێ دەرڤەیێ ئەمریکا کرییە و تێدا داخواز کرییە ئیدارا نوو یا وەلاتێ وان بنپێ کرنا مافێن مرۆڤی ل تورکیا ب رژدی وەربگریت، ب تایبەتی د دارێتنا پەیوەندیێن د ناڤبەرا واشنتۆن و ئەنقەرە دا.
د ههمان دهمدا وان کونگرێسمهنان د پەیاما خوه دا راگەھاندییە، تورکیا ئەنداما ناتۆیە و ھەڤپەیمانەکا گرنگ یا ئەمریکایە، لێ حکومەتا ئهردوگانى ئالۆزیان دئێخیتە د ناڤا وان پەیوەندیان دا، پێدڤییە ل سەر پرسا بنپێ کرنا مافێن مرۆڤی گڤاشتن ل سەر وى بهێنه کرن، چونکی ئهردوگانى و حزبا خوه دادگەھێن تورکیا لاوازکرینە و کەسێن سیاسی ل پێگەھێن لەشکەری و ھەوالگری دامەزراندینە و چەندین کەسایەتیێن ئۆپۆزسیۆن و رۆژنامەنڤیس و کێمنەتهوە زیندان کرینە.
