پشتى نیڤرۆیا ئهڤرۆ سێشەمبى، 2021-3-2 بەرێز نێچیرڤان بارزانى، سەرۆکی هەرێما کوردستانێ، پێشوازى ل بەرێز نزار ئەلخەیروللا بریکارێ پێشکەفتى یێ وەزارەتا دەرڤهیا ئیراقێ، سەرۆکێ لژنا بلند یا ئامادەکاریێ بۆ سەرهدانا قەداسەتا پاپایی بۆ ئیراقێ و هەرێما کوردستانێ کر.
د وێ دیدارێ دا بەڕێزى پوختەك دەربارەى ئامادەکاری و بەرنامێ سەردانا وى پێشکێشى سەرۆک نێچیرڤان بارزانى کر و خۆشحاڵیىا خوه ب وێ هاریکارى و هەماهەنگیىا د ناڤبهرا لایەنێن پەیوەندارێن حکومەتا ئێراقێ و هەرێما کوردستانێ دەربرى و دووپات کر، كو هەموو رێکار وەک چاوا ل گەل لایەنێن ڤاتیکانێ پلان بۆ هاتییه دانان، ل ئێراقێ و هەرێما کوردستانێ هاتینه ئامادە کرن و هەردولا د هەماهەنگی و پەیوەندیێن بەردەوام دانه.
ژلایێ خوه ڤە سەرۆک نێچیرڤان بارزانى، سەرهدانا قەداسەتا پاپاى بۆ ئێراقێ و هەرێما کوردستانێ ب مێژوویى ل قەلەم دا، كو دێ دەنگڤهدانەكا جیهانى ههبیت، هەروەسا ستایش و دەستخۆشى پێشکێشى وى و هاریکارى و هەماهەنگییا هەردو تیمێن ئامادەکاریێن وێ سەردانێ ل هەولێرێ و بەغدا کر.
بەرێز سەرۆکێ هەرێما کوردستانێ ئاماژە ب پەیام و بایەخ و گرنگیىا سەرهدانا قەداسەتا پاپایى بۆ ئێراقێ و هەرێما کوردستانێ کر، کو دێ دەرگهههكێ بهرفرههتر یێ جیهانێ ب سەر ئێراقێ و هەرێما کوردستانێ دا ڤهكهت و ئهڤه جهێ خۆشحالییا هەموو پێکهاتهیانه، دەرفەتهكه بۆ پهیداكرنا پێکڤەژیان و لێبورینێ و ئێك قهبوولكرنێ د ناڤبهرا هەموو پێکهاتەیان دا.
