وه‌زاره‌تا ساخله‌میێ: د گه‌ل گه‌هشتنا ڤاكسینی بۆ هه‌رێمێ دێ ده‌ست ب ڤاكسیندانێ كه‌ن

دكتۆر ئاسۆ حه‌وێزی، په‌یڤدارێ وه‌زاره‌تا ساخله‌مییا كوردستانێ بۆ خانی نیوز گۆت: ڤاكسین تا نها نه‌گه‌هشتییه‌ كوردستانێ ، پلانه‌ك ژ بۆ دانانا ڤاكسینێ دانایه‌ و ل ده‌ستپێكێ كه‌رتێ ساخله‌مییێ و هێزێن ناڤخۆ و كه‌سانێن دانعه‌مر و نه‌خۆشیێن درێژخایه‌ن ب قوناغ هێن دانان و پرۆتۆكۆله‌ك ژ بۆ به‌لاڤكرن و دانانا ڤاكسینان ب شێوه‌یه‌كێ راست و یه‌كسان هاتییه‌ دانان،

په‌یڤدارێ وه‌زاره‌تا ساخله‌میێ دوپات ژی كر، ئه‌و 5 هزار قورچێن ڤاكسینێ تێرا هژمارا پێدڤی ناكه‌ن و بڕیاره‌ د قوناغا دویێ یا گه‌هشتنا ڤاكسینی دا ب تمامی ل هه‌موو باژار، قه‌زا و ناحیان بهێت به‌لاڤكرن

حه‌مزه‌ ره‌زیكی، به‌رپرسێ راگه‌هاندنا دهۆكێ ژی بۆ خانی نیوز گۆت: وان هه‌موو حازری كرینه‌ و گه‌ر ڤاكسین بگه‌هیت دهۆكێ كه‌رتێ ساخله‌میێ دێ ڤاكسینی وه‌رگریت.

وه‌زاره‌تا ساخله‌مییا ئیراقێ ژی راگه‌هاند؛ ئه‌ڤرۆ پرۆسه‌یا دانانا ڤاكسینێ ل به‌غدا دێ ده‌ستپێكه‌ت  و نها ئه‌و ڤاكسینان بۆ كۆگه‌هـ  ڤه‌دگوهێزن پشتی كو ڤێ سپێدێ ژ چینێ گه‌هشتین به‌غدا، و بڕیاره‌ ڤاكسین بگه‌هن ناڤچه‌یێن دی یێن ئیراقێ.