وەزارەتا ناڤخۆ‌ خزمه‌تگۆزارییا نێرگه‌له‌كێشانێ قه‌ده‌غه‌ كر

وەزارەتا ناڤخۆ یا حکومەتا ھەرێما کوردستانێ، چەند بریاره‌ك بۆ بەرھنگاربوونا ڤایرۆسێ کورۆنایێ دەرخستن و ئاماژە بۆ وێ چەندێ ژی دا ھەمی جۆرێن کۆمبوون و خرڤەبونان، کۆنفرانس رێوره‌سمێن ئایینی و جڤاکی ھاتنە قەدەغەکرن.ئەڤرۆ سێشەمبی 2-3-2021 وەزارەتا ناڤخۆ بەیاننامەیەک بەلاڤرکر ،تێدا بەحس ل وێ چەندێ کر، د کۆمبوونا دووھی یا لژنا بلند یا رووبرووبوونا کۆرۆنایێ، ژ پێغەمەت پاراستنا ئاسایشا ساخلەمییێ، وان چەند بریارەکێن گرنگ دەرخستن .‌
وەزارەتا ناڤخۆ د بریارێن خودا دیاردکر، بەردەوامبون ل سەر جێبەجێکرنا رێکارێن خوپاراستنێ کو ژلایێ وەزارەتا ساخلەمیێ ڤە دھێنە دیارکرن.
ئاشکرا ژی کرکو هه‌وا ھشیارکرنا ساخلەمیێ دێ ل ھەمی فەرمانگەھێن حکومەتێ و ناڤەندێن خواندنێ و جھێن گشتی بەردەوام دبیت.

وه‌زاره‌تا ناڤخۆ گۆتییه‌ ژى، كافیتریا و جهێن گشتى و جهێن یارییان نابیت خزمه‌تگۆزارییا نێرگه‌له‌كێشانێ پێشكێش بكه‌ن و دێ ل ده‌مژمێر 12:00ى شه‌ڤێ هه‌تا ده‌مژمێر 06:00 سپێدێ دێ د گرتى بن.