سەرۆکێ هەرێما کوردستانێ ل دۆر پەسەندکرنا قانوونا قەرەبووکرنا رزگاربوویێن کوردێن ئێزدێ پەیامەک بەلاڤکر و راگەهاند، ئەو سوپاسییا وان هەموو فراکسیۆنان دکەن کو هاریکاربوون بۆ پەسەندکرنا وی قانوونێ.
نێچیرڤان بارزانی گۆت: ئەو قانوون دەستپێکەکا گرنگە بۆ قەرەبووکرنا خووشک و برایێن ئێزدی و هیڤیخواستن بلەز کار بۆ ب بجهئینانا وی قانوونێ بهێتە کرن، ژبهركو ئەو پێدڤی ب هاریکاریێن بلەزن.
سەرۆکی هەرێما کوردستانێ ل دوماهییا پەیاما خوە گۆتییە، ئەو ب رێکا نڤێسینگەها رزگارکرنا رەڤاندیێن ئێزدی شیاینە ٤ هزار و ٥٤٥ کەسان ژ رەڤاندیێن کچ و ژن و زەلام و زارۆیێن ئێزدی رزگاربکەن و دێ بەردەوام ژی بن ژ بۆ رزگارکرنا یێن مایی.
