هەرێما کوردستانێ کار بۆ ڕێکخستنا کارێ میدیایی دکەت و ل پەرلەمانێ کوردستانێ ژی هەول دبەردەوامن بۆ هەموارکرنا یاسایا ڕۆژنامەگەریێ .
موحسین حوسێن، جێگرێ سەرۆکێ لژنا رەوشنبیرى و جڤاتا مەدەنى و وەرزش و لاوان ل پەرلەمانێ کوردستانێ بۆ خانی نیوز راگەهاند: ئەو ب هەڤکاری دگەل سەندیکایا رۆژنامەنڤیسان و مامۆستایێن زانکۆیان و ڕۆژنامەنڤیسێن خۆدان ئەزموون، هەولا هندێ ددەن کو ڕێکبکەڤن ل سەر هەموارکرنا یاسایا کارێ رۆژنامەگەریێ، گۆتژی ژبەر نەبوونا یاسایەکا تایبەت، سۆشیال میدیا یا بوویە ناڤەندەک زیانبەخش و بێ سەروبەرییەکا مەزن دناف سۆشیال میدیایێ دا پەیدا بوویە، و بوویە جهێ ململانیێن سیاسی، و نەڕازیبوونەکا مەزن لێکەفتییە.
جێگرێ سەرۆکێ لژنا رەوشنبیری ل پەرلەمانێ کوردستانێ گۆتژی، پەرلەمانێ کوردستانێ بەرهەڤییان دکەت بۆ ڕێکخستنا کارێ میدیایی و ئێک ژ وان کارانژی هەموارا یاسایا کارێ ڕۆژنامەگەریێ یە ب جۆرەکێ کو جهێ میدیایا ئەلیکترونی ژی د چارچۆڤێ خوەدا ڤەگریت. ژبلی هەموارا یاسایێ کو د نهادا پێشنیار هەیە ئەنجوومەنێ باڵا یێ میدیایێ بهێتە دامەزراندن یان سەندیگا ڕۆژنامەنڤیسێن کوردستانێ چالاک بکەنەڤە.
ناڤبری دیارکرژی، بەری نها لژنەیا رەوشنبیری ل پەرلەمانێ کوردستانێ یاسایەکا تایبەت ب کۆنترۆڵکرنا سۆشیال میدیایێ ئامادەکربوو و خواندنا ئێکێ ژی بۆ هاتبوو کرن لێ نەرازیبوونەکا زۆر لێکەفتەڤە.
