ئەڤرۆ ئێڤاری ل هۆلا ئێکەتییا نڤیسەرێن کوردستانێ و ب ئامادەبوونا هژمارەکا نڤیسەر و ڤەکۆلەر و خواندەڤانان ئیمزا ل سەر پەرتۆکا دەهـ ڕۆمانێن جیهانی یا نڤیسەر (ئەنوەر محەمەد تاهر) هاتەکرن.
هەر د ڤێ چالاکیێدا نڤیسەرێ پەرتۆکێ سمینارەک ل دور ناڤەڕۆکا پەرتۆکێ و روودانێن کو د ناڤا ڤێ پەرتۆکێ هاتینە بەحسکرن پێشکێشکر.
نڤیسەر ئەنوەر محەمەد تاهر تایبەت بۆ خانی نیوز گۆت، مەرەم ژ نڤیسانا ڤێ پەرتۆکێ ئەو بوویە کو د نها دا گەلەک گەنجێن مە دەست ب نڤیسینا ڕۆمانان کریە، ئەڤ پەرتۆکە دێ بیتە دەرگەهەک کو سەحبکەنە ڕۆماننڤێسێن جیهانی و کا چەوا ڕۆمانان دنڤیسن و پێداچوونێ د هزر و خەیالا وان دا بکەن.
ناڤبری گۆتژی، ئەو ڕۆمانێن کو هاتینە بەحسکرن هەمی ئەو نڤیسەرن یێن کو خەلاتێن مەزنێن جیهانی د بیاڤێ ڕۆمان نڤیسینێ دا ب دەست خۆ ئێخستینە.
