به‌غدایێ 8 هزار پلێتێن ئاهێن خارنێ یێن خه‌لكێ دهۆکێ بڕین

رێڤه‌به‌رێ رێكخستنا پلێتێن ئاهێن خارنێ ل پارێزگه‌ها دهۆكێ راگه‌هاند: به‌غدایێ 8 هزار پلێتێن ئاهێن خارنێ یێن خێزانێن پارێزگەها دهۆکێ بڕینە و ئەڤە ب تنێ مه‌ره‌مه‌كا سیاسى یه‌.

سه‌برى حسێن، رێڤه‌به‌رێ رێكخستنا پلێتێن ئاهێن خارنێ ل پارێزگه‌ها دهۆكێ بۆ خانی نیوز دیاركر، ژ مەها 9 تا نها  به‌غدا هەشت هزار پلێتێن ئاهێن خارنێ یێن سه‌رۆك خێزانێن پارێزگه‌ها دهۆكێ بڕینه‌ کو ئەو دبێژن ئەڤە نە خەلکێ رەسەنێ دهۆکێنە و ئاواره‌ و په‌نابه‌رن و مه‌ره‌ما وان ڤه‌گه‌راندنا وانه‌ بۆ سه‌ر جهـ و ئاخا وان، لێ د بنه‌ره‌ت دا ئه‌ڤ چه‌نده‌ بێ بنه‌مایه‌ و ئه‌و پلێته‌ هه‌مى یێن خه‌لكێ پارێزگه‌ها دهۆكێ نه.

سەبری حسێن دیارکرژی، ئەڤه‌ زیانە بەر ب خەلکێ پاڕێزگەها دهۆکێ دکەڤیت، چونكه‌ ئه‌و سه‌رۆك خێزانێن پلێتێن وان هاتین بڕین، هه‌مى خه‌لكێ پارێزگه‌ها دهۆكێنه‌ و ئه‌ڤ چه‌نده‌ بوویه جهێ دلگرانییا خه‌لكێ وان و ئەڤ کریارە گرێدایی مەرەمێن سیاسییە.

ناڤبری ل دوایێ دیارکرژی، بۆ چارەسەرکرنا ڤێ ئاریشەیێ ژی ئەوان ئاریشە گەهاندییە جهێن پەیوەندیدار لێ تا نۆکە نەهاتییە چارەسەرکرن، و ئەو هەموو مەهان ئەوان ناڤان دهنێرن بۆ بەغدایێ لێ دووبارە بەغدا وان ناڤان ژناڤ دئیننە دەر و ب وێ مەرەمێ کو نە خەلکێ دهۆکێنە ، ئەو داخاز دکەن ئەڤ ئاریشەیە بهێتە چارەسەرکرن دا زیان ب خەلکێ پاڕێزگەها دهۆکێ نەکەڤیت.

خانی نیوز، سەعـد عاسف