دەمەکێ درێژە ھەولێر و بەغدا ل سەر بۆدجێ سالا 2021 یا ئیراقێ د دانوستاندنان دانە، ھند جاران ژی داخوانیێن جودا ل سەر رێکەفتنا ھەر دوو ئالییان ھاتینەکرن، لێ ھێشتا دیار نینە کا رێکەفتن نێزیکە، یان ژی بەرۆڤاژی.
د. جەمال کۆچەر ئەندامێ لژنا دارایی ل جڤاتا نوونەرێن ئیراقێ بۆ خانی نیوز گۆت: ھندەک لایەنێن ئیراقی پرۆژێ یاسایا بۆدجه‌یا ئیراقێ بۆ خوە کریە بابەتەکێ سیاسی و وەک فشارەکێ ب کار دئینن، دازانین ژی، دوماھیک بریارا شیعەیان ئەوە کۆ بۆدجە ناھێتە پەسەندکرن، ھەتا کو یاسایا دادگەھا فیدرالی نەھێتە پەسەندکرن.
د. جەمال کۆچەر ئەو یەک ژی ئاشکراکر: تا نۆکە چ ژڤانەک بۆ روونشتنا پەرلەمانێ ئیراقێ ل سەر پەسەندکرنا بۆدجەی نەھاتینە دیارکرن، نا ھێتە پێشبینیکرن ل حەفتییا بھێت دا ژی روونشتن بھێتەکرن.
ناڤبری خویاکر: پەسەندکرنا بۆدجەی گرێدایی دادگەھا ئیتیحادیە، لایەنێن ئیراقی ژى پەسەندکرنا بۆدجە گرێداینە ب قانوونا دادگەھا ئیتیحادی ڤە و دبێژن، ھەتا ئەو قانوونە نەھێتە دەربازکرن، رێکێ نادەن پرۆژه یاسایا بۆدجه‌یا ئیراقێ دەرباز ببیت.
