خزمه‌تگوزاریه‌كا نوو بۆ نه‌خۆشێن دلى ل هه‌رێمێ كه‌ته‌‌ كارى

وەزیرێ ساخله‌مییا هەرێما کوردستانێ راگەهاند؛ 16 ئامیرێن قەستەرا دلى ل سه‌نته‌رێن چاره‌سه‌رییا دلى كه‌تنه‌ كارى دگه‌ل دابینکرنا ئامیرێن کارەبایى یێن دلى و  بێ نشتەگەری.

د.سامان بەرزنجی، وەزیرێ ساخله‌مییا هەرێما کوردستانێ د پرێسكۆنفرانسه‌كی دا راگه‌هاند؛ ب رێكا تیمه‌كا تایبەت بۆ جارا ئێكێ خزمەتگوزاریه‌ك بۆ چارەسەرێن نه‌خۆشێن دلى بێ نشته‌گەری، ل سه‌نته‌رێن دلى ل هەرێما کوردستانێ بەردەستە و ب رێكا قەستەران دهێنه‌ كرن، ڤێ چاره‌سه‌رییێ‌ رۆله‌كێ بەرچاڤ ژ‌ بۆ كێمكرنا قوربانیێن نه‌خۆشێن دلى هه‌یه‌ و پێدڤى ناكه‌ت وه‌لاتى بۆ  چاره‌سه‌ریێن دلى بچنه‌ ژ ده‌رڤه‌یى وه‌لاتى.

سالانە ل هەرێما کوردستانێ 25 هزار چارەسەرى بۆ  نەخۆشێن دلى ب رێكا قەستەر و دانانا شەبەکێ دكه‌ن دگه‌ل سێ هزار نشته‌گه‌ریێن دلى.