ژبەر هەبوونا دوو توشبوویێن کۆرۆنایێ ل قۆتابخانەکێ ل ناحیا ڕۆڤیا یا سەر ب قەزا بەردەرەش دوو پۆل هاتنە کەڕەنتینکرن.
نەشوان بەرزنجی، بەرپڕسێ ڕێڤەبەرییا ساخلەمییا قەزا بەردەڕەش بۆ خانی نیوز دیارکر، ئەڤرۆ ژبەر هەبوونا دوو حالەتێن ڤایرۆسا کۆرۆنایێ ل قۆتابخانا دۆستەک یا بنەرەت ل ناحیا ڕۆڤیێ دوو پۆل هاتنە کەڕەنتینکرن.
نەشوان بەرزنجی گۆتژی، وان نمونێن پشکنینێن وان قۆتابییان وەرگرتینە و دێ پشکنین ل سەر هێنە کرن.
ل دوایێ ئەو یەکژی دیارکر، کو تیمێن وان ب هەڤکاری دگەل تیمێن پەروەردێ ڕۆژانە سەرەدانا قۆتابخانەیان دکەن بۆ ئاگەهداربوون ژ رەوشا قۆتابیان.
