ئەڤرۆ پێنچشەمبیێ، 4ـی ئادارا 2021ـێ، کلیمنس تینەر کۆنسوڵێ ئەلـمانیا ل هەولیڕێ سەرەدانا پەرستگەها لالشێ کر و ل گەل میرێ ئێزدییان و جڤاتا ڕۆحانی کۆمبوو.
لوقمان سلێمان، بەرپرسێ ڕاگەهاندنا نڤیسینگەها لالش یا ڕەوشەنبیری و کۆمەڵایەتی ل پەرستگەها لالشێ دیارکر، مەبەست ژ سەرەدانا کۆنسوڵێ ئەڵمانیا هایداربوونا ڕەوشا ئێزدییان بوو ژ نێزیکڤە.
لوقمانی بۆ خانی نیوز ئاشکەراکر، میڕێ ئێزدییان چەندین پرسێن هەستیارێن ئێزدییان ل گەل گۆتووبێژ کرن، ژ وانا ژی ڤەگەڕیانا ئاوارەیان و پرسا کچ و ژنێن ئێزدیێن د دەستێ داعشێ دا، ڕەوشا خراپ یا ململانییا سیاسی ل ناڤچەیێن ئێزدینشین.
ئەوی گۆتژی: میری گۆتییه كۆنسولێ ئهلمانیا، ئێزدی ئاینەکی بریندارە و ناڤچەیێن وان پێدڤى ب ئێمناهی و گەهشتنا خزمەتگۆزارییانە و دڤێت ڕەوشا ناڤچەیێن وان ئارام ببیت، و خەلک ب ئارامى ل نافچەیێن خوه بژیت.
