مەیادە نەجاڕ: بزاڤا هنارتنا پشكا دووێ ژ پاره‌یێ جۆتیاران به‌رده‌وامه‌

ئەندامه‌كێ پەرلەمانێ ئیراقێ ئاماژە  ب هندێ كر، كو سەرۆکوەزیران ل دووڤ راگه‌هاندنه‌كێ راگەهاندییه‌، ل ڤان نێزیكان دێ كۆمبوونه‌كێ دگه‌ل وه‌زیرێ بازرگانى رێكبێخن، تاكو میكانیزمه‌كێ بۆ هنارتنا پشكا دووێ ژ  پاره‌یێ گەنمێ جۆتیاران ببینن.

مەیادە نەجاڕ ئەنداما پەرلەمانێ ئیراقێ ژ فراکسیۆنا پارتى راگەهاند، چەند جاره‌کان وان سەردانا هەر ئێك ژ مستەفا کازمی سەرۆکوەزیرێن ئیراقێ و عه‌لا ئه‌حمه‌د وەزیرێ بازرگانیێ کرییه‌ و ئاریشه‌یا گیرۆبوونا پاره‌یێ جۆتیاران ل گه‌ل گۆتوبێژكرییه‌.
د هه‌یڤا بوری دا، حكومه‌تا ئیراقێ ب كوژمێ 268 ملیار دینار پاره‌یێ گه‌نمێ جۆتیاران بۆ سالێن 2014، 2015، 2016 هنارت و هه‌تا نۆكه‌ ب تنێ پشكه‌ك ژ وى پاره‌ی گه‌هشتییه‌ و جۆتیار ژى چاڤه‌رێى گه‌هشتنا پشكا دووێ نه‌.