پشتی ڤەکرنا دەرگەھێ گومرکا سەرزێری دناڤبەرا تورکیاهەرێما کوردستانێ، دەڤەردارێ ئامێدیێ ب یاوەرییا شاندەکێ قەستا دەڤەردارییا چەلێ یا باکورێ کوردستانێ کر.
د کۆمبوونەکێ دا ئیسماعیل مستەفا دەڤەردارێ ئامێدیێ ب نوونەراتییا پارێزگارێ دھۆکێ دگەل دەڤەردارێ چەلێ ب نوونەراتییا پارێزگەھا جۆلەمێرگێ گەنگەشە ل سەر چاوانییا ب ساناھیکرنا ھاتنوچوونا گەشتیار و وەلاتییان و بازرگانییا دناڤبەرا ھەردوولا دا کرن ب تایبەتی گەنگەشە ل سەر پەیداکرنا دەرفەتا بازرگانی بۆ جۆتیارێن دەڤەدارییا ئامێدیێ کر کو بشێن بەرھەمێ خوەیێ خوەمالی بۆ مەرەما بازرگانیێ رەوانەی تورکیا بکەن.
ھەر دکۆمبوونێ دا کار ئاسانی بۆ کەل و پەلێن خوارنێ بھێتەکرن و ھەردوولا مفایی ژێ وەرگرن و وەلاتیێن ھەردوو پارێزگەھان ژێ مفاداربن، ھەروەسا دووپاتی ل سەر ئەنجامدانا تێستێن ڤایرۆسێ کۆرۆنایێ ھاتەکرن د ناڤبەرا ھەردوولا ل سەر خالا سنوری یا سەر زێری ب مەرەما رێگریکرن ژ زێدەبوونا ڤێ نەخوەشیێ و ل دوماھییا کومبوونێ ژی ھەردولا رێکەفتن ئیمزا کر.
