پاپا فرانسیس ئهڤرۆ سپێدێ ل فرۆكخانا فیۆمیچینۆ یا رۆما یا پایتهختێ ئیتالیا بهرهڤ بهغدا ب رێكهفت و ههر ئهڤرۆ پشتی نیڤرۆ دێ گههیته فرۆكخانا ناڤدهولهتى یا بهغدا.
ئهڤرۆ پاپا فرانسیس دێ گههیته بهغدا یا پایتهختێ ئیراقێ و د رێورهسمهكێ تایبهت دا ژ ئالیێ مستهفا كازمى، سهرۆكوهزیرێن ئیراقێ ڤه دێ هێته پێشوازى كرن و ددوڤدا ل هوتێلا ڤى ئاى پى یا فرۆكخانا ناڤدهولهتى یا بهغدا دێ دگهل سهرۆك وهزیرێن ئیراقێ كۆمبیت.
پشتى كۆمبوونێ دگهل كازمى دێ بهرهڤ كۆچكا سهرۆكاتییێ ل بهغدا ب رێكهڤیت و د رێورهسمهكێ تایبهت دا ژ ئالیێ دكتۆر بهرههم سالح، سهرۆككۆمارێ ئیراقێ ڤه دێ هێته پێشوازى كرن و ل نڤێسینگهها تایبهت یا سهرۆككۆمارێ ئیراقێ دێ دگهل بهرههم سالحى كۆمبیت، ههروهسا بڕیاره ل رۆژا ئێكشهمبیێ سهرهدانا ههولێرێ بكهت و دگهل سهرۆكێن ههرێمێ كۆمبیت.
پاپا فرانسیس دێ بیته ئێكهم پاپا كۆ سهرهدانا ئیراقێ بكهت و وى دڤێت پهیاما برایهتى و ئاشتى و پێكڤه ژیانێ بۆ ههموو پێكهاتێن ئۆلی ل ئیراقێ بینیت.
