ئیمام تاشچەر بۆ خانی نیوز: بزاڤا داخستنا ھەدەپێ بەردەوامە

ئەندامەکی پارتییا دیمۆکراتیک یا گەلان ھەدەپێ ل پەرلەمانێ تورکیا دبێژیت، نھا ژ ئالیێ پارتیا داد و گەشەپێدانا دەستھەلاتدارا تورکیا ئاکەپێ و ھەڤالبەندا وێ پارتیا نەتەوە پەرست مەھەپێ ڤە، بزاڤا داخستنا پارتیا دیموکراتیکا گەلان ھەدەپێ دھێتە کرن، ئاکەپە و ئەردۆغان ژی چ گرنگییەکێ ب دادگەھێ نادەت.
ئیمام تاشچه‌ر، پەرلەمانتارێ ھەدەپێ ل پەرلەامنێ تورکیا بۆ خانی نیوز گۆت: نھا ب سەدان ئەندام و سەرۆک شارەداریێن ھەدەپێ د زیندانێن تورکیا دانە، بزاڤەکا مەزن ھەیە ل پەرلەمانێ وی وەلاتی ب زۆرینەیا سیاسی دەنگ ل سەر داخستنا ھەدەپێ بدەن.
تاشچەر گۆت ژی: سیاسیەتا ئاکەپێ ئەوە ل دەستپێکی ھەدەپێ بێ ھێز بکەن، بەلێ نزانن کو ھەدەپە ب ھێزتر لێ ھات، ژبەر ھندێ ژی بزاڤێن ھەردو ئالیێن نەژادپەرست ئاکەپە و مەھەپە بزاڤێن خوە خورت کرینە کو ھەدەپێ دائێخن.
ئەندامێ پەرلەمانێ تورکیا گۆت ژی: ئەو بزاڤێن تورکیا بۆ وان نە تشتەکێ نوویە، ژبەرکو ئەڤە ھزر و بیروباوەرێن وانن ل بەرانبەر گەلێ کورد، ئەو دزانن پرسگرێکا کوردی ل رۆژھەلاتا ناڤین بوویە پرسگرێکەکا سەرەکی و پێدڤی ب چارەسەرییەکێ ھەیە ژبەر وێ یەکێ ژی ئەو ھەموو بزاڤان دکەن ھەدەپێ نەھێلن.

خانی نیوز، کاروان باعەدری