عەلی عەونی بۆ بەرهەم سالحى: پێشمەرگەى مەسیحی پاراستینه‌ یان حەسەن پلایسى

ئەندامه‌كێ سەركرداتییا پارتی دیمۆكراتی كوردستان رەخنه‌ ل گۆتنێن سەرۆككۆمارێ ئێراقێ گرتن، یێ بانگەشەیا وێ یه‌كێ كرى، كو سەربازێن ئێراقێ خاچ ل سەر كەنیسەكا پارێزگه‌ها نەینەوا ڤه‌ دانایه‌، د ده‌مه‌كێ دا هێزێن پێشمەرگێ كوردستانێ بوون ئەو خاچە دانای.

عەلی عەونی، د نڤێسینه‌كی دا، كو ل پێگەهێ تایبەتێ خوه‌ ل تۆرا جڤاكى یا فەیسبووكى به‌لاڤكرییه ئاشكرا كرییه‌، ژبه‌ركو بەرهەم سالح سەرۆككۆمارێ ئێراقا عەزیمە، یێ نه‌چارە ده‌مێ به‌حسێ ئێراقێ دكه‌ت ب گشتی ئاماژێ پێ بده‌ت، بەلێ ئەو دشێت بێژیت، هێزا پێشمەرگێ كوردستانێ ل دووڤ دستووری پشتگوهخستییێ ئێراقێ پشكه‌كە ژ سیستەمێ بەرگرییا ئێراقێ، مەسیحی و دێرێن وان پاراستن و خاچا وان دانا جهێ وێ.

عه‌لى عه‌ونى گۆت ژى‌: پێشمەرگە سوپایێ ئێراقێ نینە، ئەگەر نه‌ چاوا دبوو سوپایێ ئیراقێ ل 16 ئۆكتۆبەرێ هێرشێ بكه‌تە سەر هەمان سوپایێ ئێراقێ ل سحێلا و پردێ.

عه‌ونى گۆت‌ ژى: ئه‌و ژ د. بەرهەمى دپرسیت، تو و وژدانا خوه‌، پێشمەرگەى مەسیحی پاراستینه‌ یان حەسەن پلایسى؟