رێكخستنا ناڤدەولەتی یا خوارنێ و چاندنێ (فاو) نووترین راپۆرتا خوه ل سەر هه‌ژمارەكا وه‌لاتێن جیهانى به‌لاڤكریه، كو پێشبینی دهێته كرن ل سالا 2021 ئاكنجیێن وان د ره‌وشه‌كا خراب یا ئابووری دا بژین.
ئه‌و راپۆرتە ل رۆژا پێنجشەمبییا بوورى به‌لاڤكرییه و تێدا ئاماژە ب ناڤێ 45 وه‌لاتان هاتییه كرن و دناڤا وان دا ئیراق هەیە.
د پشكه‌كا وێ راپۆرتێ دا هاتییە كو ئاساییشا خوارنێ ل ئیراقێ گه‌ف ل سەر هه‌یە و ترسەكا مه‌زن ل سه‌ر چاره‌نڤیسێ چەندین ملیۆن كەسێن وى وه‌لاتى هه‌یه.
هه‌روه‌سا ئاشكرا كرییه، نوكه چار ملیۆن و 100 هزار وه‌لاتیێن ئیراقى د ره‌وشه‌كا دژوار یا ئابووری دا دژین و وه‌كو پێدڤى خوارنێن ساخله‌م ناگه‌هنه وان، دناڤا وان ژى دا پتر ژ 700 هزار كەس ژ ئه‌گه‌رێ كێمیا خوارنێ روو ب روو چەندین جۆرێن نەخۆشییان بووینه.
