پاپا د گه‌ل سیستانى كۆم بوو

پاپایێ ڤاتیكانێ گه‌هشته‌ باژارێ نه‌جه‌ف و نها د گه‌ل لێڤه‌گه‌رێ مه‌زنێ شیعان د كۆمبوونێ دایه‌.

پاپا فرانسیس ئه‌ڤرۆ سپێدێ گه‌هشته‌ باژارێ نه‌جه‌ف ل ژێریا به‌غدا و نها د گه‌ل ئایه‌توللا عه‌لى سیستانى، لێڤه‌گه‌رێ مه‌زنێ شیعان د كۆمبوونێ دایه‌.

پشتى كۆمبوونا د گه‌ل سیستانى پاپا فرانسیس دێ سه‌ره‌دانا باژارێ دیرۆكى یێ ئۆر كه‌ت ل پارێزگه‌ها زیقار ل ژێریا ئیراقێ و دێ د گه‌ل نوونه‌رێن هه‌موو ئۆلێن ئیراقێ كۆم بیت.

بریاره‌ پشتى سه‌ره‌دانا باژارێ دیرۆكى یێ ئۆر پاپا فرانسیس ڤه‌گه‌ریته‌ به‌غدا و ئه‌ڤرۆ ئێڤارى ل كاتدرائییا مار یوسف یا كلدانان ل به‌غدا قه‌داسه‌ته‌كێ ساز بكه‌ت.

هه‌روه‌سا بریاره‌ سوبه‌ رۆژا ئێكشه‌مبى پاپا فرانسیس سه‌ره‌دانا هه‌رێما كوردستانێ بكه‌ت و دێ ژ ئالیێ نێچیرڤان بارزانى، سه‌رۆكێ هه‌رێما كوردستانێ و به‌رپرسێن مه‌زنێن هه‌رێمێ هێته‌ پێشوازیكرن و پاشى دێ سه‌ره‌دانا پارێزگه‌ها نه‌ینه‌وا ژى كه‌ت.