حكومهتا ههرێما كوردستانێ ههموو ئامار و داتایێن تایبهت ب داهاتێن پهترۆلێ ژمارا بایومهترى یا موچهخورێن ههرێما كوردستانێ پێشكێشى بهغدا كرن.
د دهمهكیدا پهسهندكرنا قانوونا بودجا ئیراقێ بۆ سالا 2021 گههشتییه قوناغا داویێ، پشتى دانوستاندنێن درێژ دگهل ههموو ئالیێن پهیوهندیدار، حكومهتا ههرێمێ پێگیره ب ههموو رێنمایان و باوهرى ب زهلالیێ ههیه وهك د كارناما كابینا نوو یا حكومهتێ دا هاتى.
حكومهتا ههرێما كوردستانێ، ههموو دهمان پابهنده ب پرهنسیپێن زهلال لدۆر ئاشكهراكرنا داهاتێ پهترۆلێ و یێن دى یێن خوه بۆ رایا گشتى و حكومهتا فیدرال، تا نها وان ب نڤیسینهكا فهرمى بهرسڤێن هویر ل سهر ههموو پرسیارێن ههردو وهزارهتێن دارایى و پهترۆلا ئیراقێ و ههروهسا لژنا دارایى یا جڤاتا نوونهران داینه.
د ههمان دهمدا ههرێمێ ئامادهییا خوه ژ بۆ روهنكرنا ههرپسیارهكا گرێدایى ب ڤى بابهتى دوپاتكرییه، ئهڤه ژی ژ بۆ لادانا ههموو وان تهمومژێن كارتێكرن لسهر وێ رێكا لێكتێگههشتنێ و رێككهفتنا دناڤبهرا ههردو ئالییان دا ههبیت.
