سهرۆكێ حكوومهتا ههرێما كوردستانێ ڕا دگههینیت: شەرەفمەندم پێشوازیێ له قهداسهتا پاپا فرانسیس بۆ کوردستانێ بکەم، هاتنا جەنابێ وى و ئەنجامدانا لاڤایان و نڤێژا ب کۆم ل هەولێرێ، دووپاتکرنا پەیاما ڤیان و لێبوورینێ یه.
ئهڤڕۆ ئێكشهمبى 7-3-2021، مهسرور بارزانى، سهرۆكێ حكوومهتا ههرێما كوردستانێ چهند تویتهك، له تۆڕا جڤاكییا تویتهرى بهلاڤكرییه و گۆتییه: شەرەفمەندم پێشوازیێ له قهداسهتا پاپا فرانسیس بۆ کوردستانێ بکەم، هاتنا جەنابێ وى و ئەنجامدانا لاڤایان و نڤێژا ب کۆم ل هەولێرێ، دووپاتکرنا پەیاما ڤیان و لێبوورینێ یه، پابەندبوونا مه بۆ گرنگیدان ب هەژاران و و ژێردهستان دووپاتدكهین.
سهرۆكێ حكومهتا ههرێما كوردستانێ ههروهسا ئاماژه ب هندێ دایه: مه رێز ههیه بۆ خەبات و تێکۆشانا ئەوان پێشمەرگەیێن قارەمان کو گیانی خوه بۆ پاراستن و پێكڤهژیانا ئاشتییانە و لێبۆرینێ و یێن كو ل تانا خوشک و برایێن مەسیحیێن دەشتا نەینەوا چووین، و خوه كرینه قوربانى و خاچ ل سهر كهنیسان بلند كرین.
مهسرور بارزانى دبێژیت: ئەڤڕۆ ئهم پێكڤه جهختێ ل ڕێزگرتن و ل ئازادیی و فرەئایینێ دكهین، ئەو ڕێبازا کو ل ڤى خاکى بۆ چهندین بهربابان هاتییه پهیرهو كرن.
