جۆ بایدن: سه‌ره‌دانا پاپا فره‌نسیس بۆ ئیراقێ یا دیرۆكى بوو

سه‌رۆكێ ئه‌مریكا جۆ بایدن ئه‌ڤرۆ دوشه‌مبى راگه‌هاند، كو سه‌ره‌دانا پاپا فره‌نسیسى بۆ ئیراقێ یا دیرۆكى بوو، دیاركر ژى كو وى نامه‌كا براینیێ و ئاشتیێ به‌لاڤكرییه‌.

بایدنى نڤیسییه‌ كو دیتنا پاپا فره‌نسیسى و وى سه‌ره‌دانا جهێن ئایینى وه‌كى جهێ ژدایكبوونا ئیراهیم پێغه‌مبه‌رى، و بوراندنا چه‌ند ده‌مه‌كى دگه‌ل ئایه‌توللا عه‌لى سیستانى و كرنا نڤێژێ ل مووسلێ ئه‌و باژێرێ به‌رى چه‌ند ساله‌كان تووشى توند و تیژیێ بووى ژلایێ رێكخراوا داعش ڤه‌، ئه‌و هێمایه‌كێ هیڤى بوونێ بوو بۆ جیهانێ هه‌موویێ.

پاپا یێ 84 سالى ل رۆژا ئه‌ینى گه‌هشتبوو ئیراقێ و پشتى كو چوویه‌ به‌غدا و مووسلێ و هه‌ولێرێ و عه‌نكاوا و قه‌ره‌قوشێ، و ئه‌ڤرۆ سپێدێ ڤه‌گه‌رییاڤه‌ رۆما، پشتى سه‌ره‌دانه‌كا مێژوویى بۆ ئێكه‌مین جار كرى و بێى روودان و كریارێن تیرۆرى ب داوى هات و پشتى سه‌ره‌دانا پاپایى بۆ ئیراقێ بریاره‌ سه‌ره‌دانا لوبنانێ بكه‌ت.