دەزگه‌هێ دژە تیرۆرا ئیراقێ ده‌سته‌سه‌ركرنا شەش چەكدارێن داعشی راگەهاند، دو ژوان چەکداران ژى ل سنوورێ پارێزگه‌ها سلێمانیێ ده‌سته‌سه‌ركرینه.
ل دووڤ راگه‌هاندنا دەزگه‌هێ دژە تیرۆرا ئیراقێ، ب فەرمانا فەرماندەیێ گشتییێ هێزێن چەكدارێن ئیراقێ و ب پشت بەستن ب زانیاریێن هەواڵگیریێ و پێداچوونێن هویر، ئەڤڕۆ دووشەمبى 8-3-2021 هێزێن دژە تیرۆرا ئیراقێ چەكداره‌كێ داعش ل گەڕەكا یەرموك ل باژێرێ بەغدا و دوو چەكدارێن دى ل پارێزگه‌ها ئەنبار دەسته‌سه‌ركرینه.
هەر ل دویڤ راگه‌هاندنێ: دەزگه‌هێ دژە تیرۆرا ئیراقێ ب هه‌ماهه‌نگی دگەڵ ئاسایشا سلێمانیێ دوو چەكدار ل سنوورێ پارێزگه‌هێ ده‌سته‌سه‌ركرینه.
دەزگه‌هێ دژە تیرۆا ئیراقێ ئاماژە ب هندێ كرییه، هێزێن چەكدارێن دی ل قەزایا فەللوجە ل پارێزگه‌ها ئەنبار ده‌سته‌سه‌ركرینه، دەزگه‌هى راگەهاندییه، سەرجەم چەکدار ل دووڤ مادده‌یێ 4 تیرۆرێ ژلایه‌نێ دادگه‌هێ هاتبوونه داخوازكرن.
