<h3 style="text-align: justify;"><span style="font-size: 18pt;">ئەندامهكێ ههڤپەیمانییا سائیرون، کو موقتەدا سەدر رێبەرێ باسكێ سەدر رابەراتییا وێ ههڤپەیمانییێ دكهت و راگههاندییه، هندهك لایهن بزاڤا راستڤهكرنا قانوونا هەلبژارتنان د كەن.</span></h3> <h3 style="text-align: justify;"><span style="font-size: 18pt;">ریاز مهسعودى </span><span style="font-size: 18pt;">ئەندامێ ههڤپەیمانییا سائیرون ل جڤاتا نوونهرێن ئیراقێ راگەهاندییه، ل سالا 2020 پەرلەمانى قانوونا ژمارە 9 یا هەلبژارتنێن ئیراقێ پەسەند کرییە، ئێراق ب سەر چەند بازنێن هەلبژارتنان دابەش کرییە.</span></h3> <h3 style="text-align: justify;"><span style="font-size: 18pt;">ریاز مهسعودى گۆتییه ژى، پشكهك ژ هێزێن سیاسی یێن بێسهروبهر دترسن د ههلبژارتنان دا تووشى شكهستنێ ببن، بزاڤا دروستکرنا رێگریێ ل ههمبهر هەلبژارتنێن پێشوەخت د كەن و کار ل سەر راستڤهكرنا قانوونا هەلبژارتنان و ڤهگهریان بۆ ئێک بازنەییێ دکەن.</span></h3> <h3 style="text-align: justify;"><span style="font-size: 18pt;">هەروەسا ژێدهرهكێ سیاسی بۆ شهفهق نیوز راگەهاندییە، بزاڤ ههنه پشتى دەرچوونا قانوونا دادگهها بلند یا فیدرالی، قانوونا هەلبژارتنان بهێته راستڤهكرن.</span></h3> <h3 style="text-align: justify;"><span style="font-size: 18pt;">ئەو ژى گۆتییه، پرانییا لایەنێن سیاسی ب تایبەت دەولهتا قانوونێ ب سەرۆکاتییا نوری مالکی، کوتلەیا فەزیڵە و لایەنێن سوننى بزاڤا راستڤهكرنا وێ قانوونێ د كەن و كوتلهیێن سائیرون و عەسایب ئەهلێ حەق ب توندی ڤێ چهندێ رەت دكهن، دیسان پشكهك ژ سیاسەتمەدارێن ئیراقى وهسا دیار دكهن، كو هەلبژارتن ل دهمێ خوه دا ناهێنه ئهنجامدان.</span></h3>
