وه‌زیرێ دارایی و ئابووریا حكومه‌تا هه‌رێما كوردستانێ د دیداركێ دا ل گه‌ڵ به‌رپرس و یه‌كه‌یێن ئابووری كونسوڵخانه‌یا ئه‌مریكا له هه‌ولێرێ گۆتوبێژ ل سه‌ر رێكه‌فتنا د ناڤبه‌را هه‌رێم و به‌غدا دكه‌ت و راده‌گه‌هینیت، كو رێكه‌فتنا هه‌ردوولایان، كاریگه‌رییا ئه‌رێنی دێ ل سه‌ر ئابووری هه‌بیت.
ل دووڤ راگه‌هاندنا وه‌زاره‌تا دارایی و ئابووریی، ئه‌ڤڕۆ دووشه‌مبى ئاوات جه‌ناب نوری وه‌زیرێ دارایى و ئابووری له دیوانا وه‌زاره‌تێ پێشوازی ل لیزا پۆدۆنڵی به‌رپرسا یه‌كه‌یا ئابوورییا كۆنسوڵخانا گشتییا ئه‌مریكا ل هه‌ولێر و د دیداره‌كێ دا، دانوستاندن ل سه‌ر ڕێكه‌فتنا د ناڤبه‌را هه‌رێمێ و به‌غدا دا هاته كرن، هه‌روه‌سا گۆتوبێژ ل سه‌ر چاوا‌نییا ب رێڤه‌چوونا دانوستاندنێن دناڤبه‌را هه‌رێم و به‌غدا دا و ئاسته‌نگێن دكه‌ڤنه درێكا رێكه‌فتنێ دا هاتنه كرن، رێكه‌فتنا هه‌رێم و به‌غدا دێ كاریگه‌رییه‌كا ئه‌رینى ل سه‌ر ئابورێ ئیراقێ هه‌بیت.
ئه‌مریكا پاڵپشتییا ڕێكه‌فتنا د ناڤبه‌را هه‌رێم و به‌غدا دكه‌ت، د هه‌مانده‌م دا هه‌ڤكارییا ته‌ماما ئابوورییا وه‌زاره‌تا دارایی دكهن. ژلایێ خوه‌ڤه، لیزا پۆدۆنڵی ئاماژه ب هندێ كر، كو ئه‌وان پاڵپشتییا ڕێكه‌فتنا دناڤبه‌را هه‌رێم و به‌غدا دا دكهن، د هه‌مانده‌م دا هه‌ڤكارییا ته‌ماما ئابووری وه‌زاره‌تا دارایی دكهن و هه‌وڵد‌ده‌ین ب رێكا چه‌ند پرۆگرامه‌كان هه‌ڤكارییا فه‌رمانبه‌رێن وه‌زاره‌تا دارایی و ئابوورییا حكومه‌تا هه‌رێما كوردستانێ بكه‌ن. هه‌ر ل دویڤ راگه‌هاندنێ، ب هه‌لكه‌فتنا رۆژا 8 مارسێ، وه‌زیرێ دارایى و ئابووریێ حكوومه‌تا هه‌رێمێ، دیارییه‌ك پێشكێشى لیزا پۆدۆنڵی كر.
