کۆنسلخانا ئەمریکا ل ھەرێما کوردستانێ پەیامەک ب زمانێ کوردی ب ھەردو زاراڤێن بەھدینی و سۆرانی و زمانێن سریانی و ئینگلیزی و عەرەبی ل دۆر سەرەدانا پاپا فرانسیس بۆ ھەرێما کوردستانێ بەلاڤ کر و راگەھاند، سەرەدانا پاپای بۆ کوردستانێ بۆ بھێزکرنا پێکڤەژیانێ بوو.
کۆنسلخانا ئەمریکا د گەل پەیاما خوەدا وێنێن پاپای د گەل ھەر ئێک ژ نێچیرڤان بارزانی، سەرۆکێ ھەرێما کوردستانێ و مەسروور بارزانی، سەرۆکێ حکومەتا ھەرێمێ دانایە و دبێژیت: ئەو ب سەرەدانا دیرۆکی یا پاپای بۆ کوردستانێ دلخۆشن، ئەڤ سەرەدانە ژی گاڤەکا دیە بۆ بھێزکرنا پێکڤەژیانا ئاشتییانە د ناڤبەرا خودان بیروباوەرێن جودا دا.
کۆنسلخانا ئەمریکا ئاشکرا ژی کر، ئەمریکا دێ بەردەوام بیت ل سەر پشتەڤانیکرنا پێکڤەژیانا ئاشتییانە و قەبوولکرنا بیروباوەرێن جودا ل سەرانسەری ھەرێما کوردستانێ و ئیراقێ و ھەموو جیھانێ.
ژ ئالییەکێ دی ڤە کۆنسلێ بریتانیا ل ھەرێما کوردستانێ خۆشحالییا خوە ب سەرەدانا پاپای بۆ ھەرێمێ دیار کر و راگەھاند، شەرەفەکا مەزن بوو کو ئەو ل وێرێ بەرھەڤ بووی، کۆنسلێ فرەنسا ژی ئاشکرا کر، یاریگەھا فرەنسۆ حەریری ب ناڤێ کەسەکێ کرستیانە کو بوویە قوربانی ھێرشەکا تیرۆرستی ل سالا ٢٠٠١ێ.
