وەزارەتا بازرگانی لژنەک بۆ چارەسەرکرنا ئاریشێن ل گەل بەغدا پێکئینا

وەزارەتا بازرگانی و پیشەسازى یا حکومەتا ھەرێما كوردستانێ، لژنەک ب مەره‌ما چارەسەرکرنا ئاریشان ل گەل وەزارەتا پیشەسازییا ئیراقێ پێکئینا، دایه‌ دیار كرن، ئارمانجا سەرەکی یا وێ لژنێ دێ کار کرن بیت ل سەر وان خالێن د یاداشتا دناڤبەرا ھەردو لایاندا ھاتینە ئیمزا کرن.
ل دووڤ راگەھاندنا وه‌زاره‌تا بازرگانی و پیشەسازی یا هه‌رێمێ، ئه‌ڤرۆ سێشەمبی کەمال موسلم، وەزیرێ پیشەسازى سەرپەرشتییا کۆمبوونا جڤاتا شیرەتکاری کر ب ئامادەبوونا بریکارێ وەزارەتێ بۆ کاروبارێن بازرگانی و بریکارێ وەزارەتێ بۆ کاروبارێن پیشەسازی و شیرەتکارێن وەزارەتێ و رێڤەبەریێن گشتی و بابەتێن ئەنجامدانا وێ کومبوونێ ژی گوتوبێژکرنا دەرئەنجامێن سەرەدانا شاندێ وەزارەتێ بوو، بۆ بەغدا و پێکئینانا لژنەکا تایبەت بۆ هه‌موو وان بابەتان و ئاریشێن دناڤبەرا ھەردو لایان دا.
ھەر د وێ کۆمبوونێ دا ئامادەکاری بۆ قووناغا داهاتى و جێبەجێکرنا خالێن وێ یاداشتا ھاتییە ئیمزا کرن ل گەل وەزارەتا پیشەسازییا حكومه‌تا ئیراقى.