ئەڤڕۆ چوارشەمبى 2021-3-10 ئەنجومەنێ وەزیرێن هەرێما کوردستانێ، ب سەرپەرشتییا مەسرور بارزانی سەرۆک وەزیرێن هەرێما کوردستانێ کۆمبوو.
ل دهستپێكا کۆمبوونێ، سەرۆکێ ئەنجومەنێ وەزیران، پیرۆزباهی ل خهلكێ کوردستانێ کر ب ههلكهفتا ڕۆژا جلكێن نەتەوەیی کو چەند ساڵهكه وهلاتیێن هەرێما کوردستانێ، ل ڕۆژا 10ێ ئادارێ، ب ڕێورەسمێن جودا، ڕێزێ ل جلكێن نەتەوەیا خوه دگرن.
سەرۆک وەزیران ئاماژە ب سەردانا قەداسەتا پاپاى کر و ب سەردانهکا گرنگ و مێژوویی ب ناڤ كر و گۆتی ، ئەڤ سەردانە دووپاتیكرییه کو هەرێما کوردستانێ، مەڵبەندهکێ گرنگێ پێكڤهژیانێ و ئاشتیانهیه ل دهڤهرێ. دەستخۆشێ ژى ل ڕێکخەر و دەزگایێن پەیوندیدار یێن حکومەتا هەرێما کوردستانێ و ب تایبەتی هێزێن ئەمنی کر، بۆ سەرخستنا سەردانێ کو سەرکەفتیانه د سهقایهكێ ئارام دا ب رێڤه چوو.
پاشى هەر ئێك ژ پشتیوان سادق وەزیری ئەوقاف و کاروباری ئایینی و سەفین دزەیی سەرۆکێ فەرمانگهها پەیوەندیێن دەرڤه، ڕاپۆرتێن خوه دەربارەی سەرهدانا قەداسەتا پاپاى و گرنگییا سەردانێ و دەرئەنجامێن وێ بۆ هەرێما کوردستانێ دیاركرن.
د برگهیهكا دى یا كۆمبوونێ دا، ئارام محەمەد قادر وەزیری خوێندنا بلند و ڤهكۆلینێن زانستی، داوى ڕەشهنڤیسا پڕۆژەیێ پێدانا مۆڵەتا خاندنێ ل هەرێما کوردستانێ دیاركر، پشتى داوییا گۆتوبێژان و گهۆرینا بیرۆبووچوونان و پێشنیاركرنا چهند تێبینییان و ههمواركرنێ، پرۆژه هاته پهسهندكرن.
