پاپا فرانسیس پاپایێ ڤاتیکانێ ئەنجامێ سەردانا خوه بۆ ئیراقێ و هەرێما کوردستانێ دیار كر و گۆت: خەڵك و بەرپرسێن هەرێما کوردستانێ پێشوازیهكا گەر ل من كر و سوپاسییا وان دکەم
پاپا فرانسیسى پشتى نیڤڕۆیا ئەڤڕۆ ل ڤاتیکانێ راگههاند: مه دوو کۆمبوون ل گەڵ خەڵكى هەبوون ل هەولێرێ و بەغدا، ل هەولێرێ ل گەڵ سەرۆکێ هەرێما کوردستانێ و سەرۆکێ وەزیران کۆمبووینه، و پێشوازی لێ هاتییه كرن و سوپاسییا خەڵكى دکهت کو ب وى شێوهى پێشوازى لێهاتییه كرن.
د پشكهكا دى یا ئاخفتنێن خۆدا ئاماژه ب هندێ دایه: كو داعش ل ئیراقێ بوویه ئهگهرێ ئاوارهبوونا هزارههان كهسان، و ئهوێن كهفتینه د ناڤ دهستێن داعشێ دا د ناڤ وان دا هژمارهكا زۆر یا كریستییانان ههنه، و ب ههمان شێوه ئێزدى ژى، كو مێژوو و ژیانا وان هاتییه وێران كرن، نوكه ههموو خهلك بزاڤێ دكهن ڤهگهرنهڤه دهڤهرێن خوه و كریستیان و موسلمان پێكڤه ههڤكارییا ئێك بكهن بۆ بنیاتنانا كهنیسان، گیانێ پێكڤه بوونێ ههیه، داخواز لاڤایان بۆ وان خوشك و برایان بكهین ههتاكو هێزێ بدهینێ و ل وێرێ بژین.
