جڤاتا وه‌زیرین هه‌رێما كوردستانێ ئه‌ڤرۆ دێ كۆمبیت

جڤاتا وه‌زیرێن هه‌رێما كوردستانێ ئه‌ڤرۆ ب سه‌رۆكاتییا مه‌سرور بارزانی كۆمبیت و چه‌ندین بابه‌تێن گرنگ گۆتوبێژكه‌ت.

جڤاتا وه‌زیران ئه‌ڤرۆ ب سه‌رۆكاتییا مه‌سرور بارزانی، سه‌رۆكوه‌زیرێن هه‌رێما كوردستانێ و ب ئاماده‌بوونا قوباد تاله‌بانی، جێگرێ سه‌رۆكێ وه‌زیران، كۆمبوونا خوه‌یا ئاسای یا هه‌فتیانه‌ گرێده‌ت ژ بۆ گۆتوبێژكرنا هه‌ژماره‌كا بابه‌تێن گرنگ، ژ وان، راپۆرته‌كا تایبه‌ت ب ره‌وشا پێكهاتان و پێكڤه‌ژیانێ ل هه‌رێما كوردستانێ و سه‌ره‌دانا پاپا فرانسیس بۆ هه‌رێمێ و چالاكیێن وی، هه‌روه‌سا گرنگییا سه‌ره‌دانا وی و ده‌رئه‌نجامێن وێ.

برگا دوێ یا كۆمبوونێ ژی، پێشنیاركرنا ره‌شنڤێسه‌كێ كو پرۆژه‌په‌یره‌وێ پێدانا مۆله‌تا خواندنێ ل هه‌رێما كوردستانێ و ده‌نگدانا داویێ.

هه‌روه‌سا پێشنیاركرنا ره‌شنڤێسا پرۆژه‌قانوونا هه‌مواركرنا پیاده‌یا یاسایا برێڤه‌برنا ئه‌قافێ ل هه‌رێما كوردستانێ.