<h3 style="text-align: justify;"><span style="font-size: 18pt;">وهزیرێ دهرڤه یێ ئهمریكا كێمكرنا سزایێن سهر كۆمارا ئیسلامى یا ئیرانێ رهتدكهت ئهگهر ئیران پابهندى رێكهفتنا ئهتۆمى نهبیت.</span></h3> <h3 style="text-align: justify;"><span style="font-size: 18pt;">ئهنتۆنى بلینكن، وهزیرێ دهرڤه یێ ئهمریكا د گۆتارهكێ دا ب لژنا پهیوهندییێن ناڤدهولهتى یا جڤاتا نوونهران یا ئهمریكا راگههاند؛ ئهگهر ئیران پابهندیێن خوه یێن رێككهفتنا ئهتۆمى بجهـ نهئینیت، سزایێن سهر وى وهلاتى ناهێنه كێمكرن.</span></h3> <h3 style="text-align: justify;"><span style="font-size: 18pt;">رێككهفتنا ئهتۆمى یا ئیرانێ و وهلاتێن پێنج + ئێك ل دهستپێكا سالا 2015ێ ل باژێرێ لۆزان ل سویسرا هاته ئیمزاكرن، ل گۆرهى وێ رێككهفتنێ پێدڤى یه ئیران دهست ژ دروستكرنا چهكێ ئهتۆمى بهردهت و د بهرامبهر دا ئهمریكا ژى دێ سزایێن ل سهر وى وهلاتى كێمكهت.</span></h3> <h3 style="text-align: justify;"><span style="font-size: 18pt;">ل سالا 2018ێ دۆنالد ترامپ، سهرۆكێ پێشتر یێ ئهمریكا بریارا ڤهكێشانا وهلاتێ خوه ژ وێ رێكهفتنێ ئیمزاكر، پشتى ڤهكێشانا ئهمریكا ژ رێكهفتنا ئهتۆمى و سهپاندنا سزایان ب سهر ئیرانی دا، دۆنالد ترامپى گهف ل وهلاتان كرن كۆ یان دڤێت بچنه دگهل ئالیێ ئیرانێ یان ژى پابهندى سزایێن ئهمریكا بن ل سهر ئیرانێ.</span></h3> <h3 style="text-align: justify;"><span style="font-size: 18pt;">وهلاتێن پێنج + ئێك پێك دهێن ژ پێنج وهلاتێن ئهندام د جڤاتا ئاسایشا ناڤ دهولهتى دا، كۆ ژ ههرئێك ژ وهلاتێن ئهمریكا و فرهنسا و رووسیا و بریتانیا و چینێ و ئهلمانیا پێك دهێن.</span></h3>
