ڤەگوھاستنا پانزینێ ژ ھەژمارەکا کۆمپانییان ھاتە راوەستاندن

ئەندامەکا لژنا سامانێن سرۆشتی ل پەرلەمانێ کوردستانێ دیارکر, ھەژمارکا کۆگەھان ل کوردستانێ ھەنە بێ دەستويردان کار دکەن و نە وەزارەت و نه پەرلەمان نوزانیت ھەژمارا وان ژی چەندن.
گولیزار سندی، ئەنداما پەرلەمانێ کوردستانێ بۆ خانی نیوز گۆت: لدووڤ گۆتنا وەزارەتا سامانێن سرۆشتی ل حوکمەتا ھەرێما کوردستانێ، ڤەگوھاستنا پانزینێ ژ ھەژمارەکا کۆمپانیان ھاتە راوستاندن چنکو ژێدەرێ ئینانا پانزینێ یێ دیار نەبوو، سامانێن سروشتی دیارنەکرینە کا ھەژمارا کۆمپانییان چەندن.
ئەنداما پەرلەمانێ کوردستانێ گۆت: وان داخواز ژ وەزارەتا سامانێن سروشتی کریە کو لژنەک بھێتە دروستکرن بۆ دووڤچوونا کۆگەھێن پانزینێ، چنکو چ دەستیردان نە وەرگرتینە ل پارێزگەھان و رێنمایێن وەزارەتێ ژی بجە نەئیناينه و ئەڤە دبنە ئەگەر فیلپەمێن ترومبێلان ھەر زوی ژ کار دکەڤن و نەخۆشیا پەنجەشێرێ ژى دروست دبیت و ژینگەە ژی پیس دبیت، نە لژنا بسپۆر ل پەرلەمانی و نە وەزارەتا سامانێن سرۆشتی ھەژمارا ئەڤان کۆگەھێن نەدەستویردای نوزانیت و دڤێت پارێزگەە پێ رابن و ھەر ئەو دەستویریێ بدەن.
گولیزارێ ئەو ژی گۆت: د سەردانا مە دا بۆ پارێزگەرێ دھۆکێ د. عەلی تەتەر، دیار بوویە کو پرۆژەک ل دھۆکێ ھەیە پارزینگەھەکا مەزن بھێتە دروستکرن، ئاریشە ئەوە پەترۆلا خاڤ ھەموو دھێتە فرۆتن بۆ دابینکرنا مووچان لێ پەترۆلا خاڤ بۆ پارزینگەھێ بخوه نینە.

خانی نیوز.. سالار محەمەد دۆسکی