<h3 style="text-align: justify;"><span style="font-size: 18pt;">ده‌قێ په‌یاما سه‌رۆك بارزانى ل سالڤه‌گه‌را رێككه‌فتنا 11 ئادارێ</span></h3> <h3 style="text-align: justify;"><span style="font-size: 18pt;">ب ناڤێ خودێ مه‌زن و دلۆڤان</span></h3> <h3 style="text-align: justify;"><span style="font-size: 18pt;">سالڤه‌گه‌را 51 یا رێككه‌فتنا 11 ئادارا 1970ێ بلند رادگرین كو به‌رهه‌مێ خه‌بات و تێكۆشانا گه‌لێ مه بوو ل شۆره‌شا ئه‌یلولا مه‌زن.</span></h3> <h3 style="text-align: justify;"><span style="font-size: 18pt;">گرنگیا رێكه‌فتنا 11 ئادارێ د وێ چه‌ندێ دا بوو كو بۆ جارا ئێكێ حكومه‌تا ئیراقێ ب شێوه‌كێ فه‌رمى دانپێدان ب پشكه‌كا مافێن ره‌وایێن گه‌لێ كورستانێ بكه‌ت و هاته سه‌لماندن، ده‌ستهه‌لاتدارێن ئیراقێ ب رێكا چه‌ك و هێزێ نه‌شێن ئیرادا گه‌لێ كوردستانێ بشكێنن. به‌رخوه‌دان و قوربانیدانا پێشمه‌رگه‌ى و ئێكرێزیا شوره‌شگێر و نشتیمانپه‌روه‌ران ب سه‌ركردا‌تییا بارزانیێ نه‌مر بوویه، حكومه‌تا ئیراقێ نه‌چار كر بهێته سه‌ر مێزا داوستاندنان و ماف و ده‌ستكه‌فته‌كێ دیرۆكی بۆ گه‌لێ مه تۆمار بكه‌ن.</span></h3> <h3 style="text-align: justify;"><span style="font-size: 18pt;">هه‌رچه‌نده رێكه‌فتنا 11 ئادارێ ژ ئالیێ رژێمێ ڤه هاته پێشێلكرن لێ ئه‌ڤ ده‌ستكه‌فته ده‌روازه‌یه‌ك بوو بۆ قۆناغ و پێنگاڤێن مه‌زنتر یێن خه‌باتا گه‌لێ مه و بده‌ستڤه‌ئینانا ده‌ستكه‌فت و سه‌ركه‌فتنێن مه‌زنتر.</span></h3> <h3 style="text-align: justify;"><span style="font-size: 18pt;">د ڤێ بیرئانینا پیرۆز دا ل ده‌مه‌كى كو دوپاتیێ ل په‌یاما ئاشتی، پێكڤه ژیان و دیالؤكا گه‌لێ كوردستانێ دكه‌ین، و ل بیرا هه‌موو ئالییه‌كی ژى د ئینین، حاشایكرن ژ مافێن گه‌لێ كوردستانێ و پێشێلكرنا رێككه‌فتن و بنه‌مایێن ده‌ستوورى و یاسای یێن گرێداى مافێن گه‌لێ كوردستانێ ب چ شێوه‌كى ئیرادا گه‌لێ مه بۆ وه‌رگرتنا مافێن مه یێن ره‌وا ناشكێت. گه‌لێ كوردستانێ ئه‌زموونه‌كا دوورودرێژا خه‌بات و هشیاریێ هه‌یه و زۆر ب باشى مافێن خوه د نیاسیت و ده‌ستبه‌ردارى مافێن خوه نابیت.</span></h3> <h3 style="text-align: justify;"></h3> <h3 style="text-align: justify;"><span style="font-size: 18pt;">مه‌سعود بارزانى</span></h3> <h3 style="text-align: justify;"><span style="font-size: 18pt;">11ى ئادارێ</span></h3> <h3 style="text-align: justify;"></h3>
