ئه‌ڤرۆ ب رێز و سه‌ربلندی ڤه 51 سالییا رێككه‌فتنا 11 ئادارا سالا 1970 ل بیردئینین كو به‌رهه‌مێ شۆره‌شا مه‌زنا ئه‌یلول و خه‌بات و ئیراده‌یا بلندا گه‌لێ كوردستانێ بوو ب رابه‌راتییا بارزانیێ نه‌مر، د ڤێ بیره‌وه‌ریێ دا سلاڤ و رێز بۆ گیانێ پاكێ شه‌هیدێن كوردستانێ دهنێرین كو ل پێناڤ ئازادییا گه‌ل و وه‌لاتی دا جانێ خوه كرن قوربانی.
رێككه‌فتنا 11 ئادارێ ئێكه‌م به‌لگه‌یا فه‌رمی بوو د دیرۆكا هه‌ڤچه‌رخا گه‌لێ كوردستانێ دا كو حكومه‌تا ئیراقێ نه‌چاركر د چارچۆڤێ ئۆتۆنۆمی دا هنده‌ك ژ مافێن وان بزانیت، هه‌رچه‌نده حكومه‌تا ئیراقێ پاشان ل سه‌ر بنه‌مایێن لۆژیكی دا هێز ژ رێككه‌فتنێ دا پاشڤه‌چوو، لێ وه‌ك هه‌رجار ئیراده‌یا گه‌لێ كوردستانێ بۆ گه‌هشتن ب مافان ژ چه‌ك و هێزێ بهێزتربوو، تا داوی جار هه‌ر ئه‌و رێككه‌فتن بوویه بنه‌مایێ ده‌ستكه‌فتێن مه‌زنتر ژ سه‌رهلدان و فیدرالییێ بۆ هه‌رێما كوردستانێ.
لۆژیكێ هێز و پاشڤه‌چوونێ د رێككه‌فتنا 11 ئادارێ د به‌رده‌وامییا شه‌ڕ و مالوێرانی و كاره‌ساتێن مه‌زن دشته‌كێ دی بۆ ئیراقێ بده‌ستڤه‌نه‌هات، ب ڤێ چه‌ندێ ژی ئه‌و هه‌موو وانه و سه‌ربۆران ژ دیرۆك و خه‌له‌تیێن بووری یێن ئیراقێ وه‌ردگرن و پابه‌ندن ب ده‌ستوور و هه‌ڤپشكیێ تا هه‌موو كێشه چاره‌دبن و ئارامی، سه‌قامگیری و پێشكه‌فتن و داهاته‌كێ باشتر بۆ وه‌لاتی و هه‌موو پێكهاته‌یان مسۆگه‌ر دكه‌ن.
رێككه‌فتنا 11 ئادارێ وه‌ك چارا به‌رهه‌مێ ئێكگرتن، ته‌بای و ئێكرێزی و شۆره‌شه‌كا سه‌رتاسه‌ری یا هه‌موو پێكهاتێن گه‌لێ كوردستانێ بوو، بیرئینانا وێ ژی بكه‌ن ب هانده‌ری ته‌بای و ئێكرێزی و پێكڤه‌كاركرن و هاریكاری دنێڤبه‌را هه‌موو ئالی و پێكهاته‌یان دا ل پێناڤ پاراستنا ده‌ستكه‌فتان و چه‌سپاندنا سیسته‌مێ فیدرالی و سۆگه‌ركرنا مافێن ده‌ستووری یێن گه‌لێ كوردستانێ.
