ئەڤرۆ پێنچ شەمبوویێ 11 ـێ ئادارا 2021 ـێ گرژێ و ئاڵۆزی کەفتییە دناڤبەرا هێزێن ئیراقێ و هێزێن سەر ب پەکەکێ ڤە ل شنگالێ، فەرماندەیەکی لەشکەری ژی ل وی باژاری ددەتە خویارکرن، هێزێن ئیراقی دڤیان ئەو هێزێن سەر ب پەکەکێ ڤە ل شنگالێ نەمینن، بەلێ پەکەکێ دەرناکەڤیت و ئالۆزی کەفتە دناڤبەرا وان دا.
قاسم شەشۆ، دڤی بیاڤی دا هوویرکاتیێن ڤان ئاڵۆزییان بۆ خانی نیوز ئاشکەرا کر، ئەوان هێزێن ئیراقی دخواستن ئاسایشا سەر ب پەکەکێ ڤە بارەگایێن خۆ ڕادەستی هێزێن ئیراقی بکەت بەلێ ئەوان ڕەتکر و گرژی کەفتییە دناڤبەرا هەردوو ئالییان دا.
شەشۆی، گۆتژی: تا نها بووییەرەکا نەخوازراو دروستنەبووییە، لێ هێزێن ئیراقی رۆژەک وەک دوماهیک ژڤان داییە وان هێزێن سەر ب پەکەکێ ڤە، کو بارەگا و چەکێ خۆ ڕادەستی وان بکەن.
ل گۆرەیی وێ ڕێککەفتنا دناڤبەرا حکومەتا ئیراقی و هەرێما کوردستانێ ل سەر ئاسایکرنا ڕەوشا شنگالێ دڤێت گرۆپێن نەیاسایی ژ شنگالی دەرکەڤن، و هێزەکا تایبەتا ٢٥٠٠ کەسی ژ خەلکێ شنگال و دناڤ کەمپان دا بهێتە پێک ئینان.
