حهیدهر شهشۆ، فهرماندارێ هێزێن ئێزدیخانێ ل شنگالێ ب تایبهت بۆ خانى نیوز راگههاند، حهشدا شهعبى ب ههموو گرۆپێن خوهڤه پشتهڤانییهكا تهمام ل چهكدارێن پهكهكێ ل شنگالێ دكهت، حهشد ژى ههموو چهك و پاره و پێدڤیێن خوه ژ حكومهتا ئیراقێ وهردگریت.
ل گۆرهى گۆتنا حهیدهر شهشۆ، دو ئهجندایێن ههرێمى ل شنگالی دهێنه بجهئینان، ئێك ژ وان ئهجندایا ئیرانێ یه و ب رێیا حهشدا شهعبى دهێته بجهئینان و دخوازن ب رێیا شنگالێ ئیراقێ و سووریێ و لوبنانێ پێكڤه گرێدهن، ئهجندایا دویێ ژى یا توركیا یه و ب رێیا چهكدارێن پهكهكێ دهێته بجهئینان و دخوازن شنگالێ ژى بگههینن رهوشا سهرێ كانیێ و گرێ سپى و عهفرینێ ل رۆژئاڤایێ كوردستانێ و وهكو وان باژاران وێران بكهن.
حهیدهر شهشۆ ئاشكرا كر، تا نها ئێك خالا رێككهفتنا شنگالێ نههاتیه بجهئینان و حهشدا شهعبى شنگال داگیر كرییه و پهكهكه ژى ههموو بریارێن حهشدێ بجهـ دئینیت.
حهیدهر شهشۆ داخواز ژ نهتهوهیێن ئێكگرتى و هێزێن ههڤپهیمانان و ب تایبهت ئهمریكا كر چارهیهكێ ل رهوشا شنگالێ بكهن و پرسیار كر، بۆچى تا نها پهكهكه و گرۆپین دیێن چهكدار ژ شنگالێ نههاتینه دهرخستن.
