ئاسایشا هەولێرێ بکوژێ گەنجێ بنەسلاوە ده‌سته‌سه‌ركر

سپێدهه‌یا دوهى ته‌رمێ گه‌نجه‌كى ب ناڤێ عه‌لى سه‌باح ل سنورێ ده‌شتا هه‌ولێرێ هاته‌ دیتن و ئه‌ڤرۆ رێڤه‌به‌رێ ئاسایشا هه‌ولێرێ ده‌سته‌سه‌ركرنا سێ كه‌سان راگه‌هاند.

 رێڤه‌به‌رێ ئاسایشا هه‌ولێرێ د راگه‌هاندنه‌كێ دا ده‌سته‌سه‌ركرنا دوو تاوانباران راگه‌هاند و ئاماژه‌ ب وێ چه‌ندێ ژى كر شه‌ڤا بورى دوو تاوانبار ده‌ستنیشان كرن كو ئاكنجیی بنه‌سلاوه‌نه‌ و ڤه‌كۆلین ده‌ست پێكریه‌‌‌.

به‌شه‌كێ دى یێ راگه‌هاندنێ به‌حس ل تاوانباران دهێته‌كر‌ن و تێدا هاتبوو، بكوژ ب ناڤێ (ع.ا.ع) و هه‌ر ئێك ژ (ش.ه‌.ج) و (ب.ع.ا) هاریكارى كریه،‌ هاتنه‌ ده‌سته‌سه‌ركرن و‌ وان دانپێدان ب تاوانا خوه‌ كریه‌.

ده‌ربارێ روویدانێ ئاسایشا هه‌ولێرێ ئاماژێ ب وێ كریه‌، تاوان ژ ئه‌گه‌رێ كێشه‌یه‌كا كۆمه‌لایه‌تى بوویه‌.

دوهى رۆژا ئه‌ینى 12-3-2021 ل ده‌مژمێر 10:00 بۆ 10:30 سپێدێ دوو زارۆكان ته‌رمێ گه‌نجه‌كى د ناڤ سندوقا سیاره‌كێ دا دیتبوو، هوگر عه‌زیز ، په‌یڤدارێ پۆلیسێ هه‌ولێرێ ده‌ربارێ روودانی ب میدیایان گۆتبوو، ئه‌و كه‌سێ هاتییه‌ كوشتن ناڤێ وى عه‌لى سه‌باح سواره‌یه‌ و ته‌مه‌نێ وى 29 سالن‌.