بۆ كڕینا هالاندى دێ هه‌شت یاریزان كه‌نه‌ قوربانى

رۆژناما سپۆرت یا كەتەلۆنی دیار كرییه‌، خوان لاپۆرتا سه‌رۆكی یانه‌یا بارسێلۆنا یا ئیسپانى یێ ئامادەكارییان دكه‌ت بۆ هندێ پاره‌یێ پێدڤى كۆم بكەت، داكو ل ڤێ هاڤینێ هالاندى ڤه‌گۆهیزێته‌ كامپ نوو، داكو د هه‌ڤركییا ب ده‌ستڤه‌ئینانا وى یاریزانى ل سه‌ر یانه‌یێن مه‌زن یێن ئورۆپا دا زال ببن.

وی رۆژنامێ گۆتییه‌ ژى، بارسێلۆنا بریار دایە ڤی هاڤینێ هه‌شت یاریزانان بفرۆشیت یان ب شێوێ خواستن بده‌ته‌ هنده‌ك یانه‌یان، داكو هاتنا هالاندى و چەند یاریكه‌رێن دیتر ب ساناهى بكه‌ڤیت، وێ رۆژناما بارسێلۆنا گۆتییه‌ ژى، (جۆنیۆر فیربۆ، كۆتینیۆ، گریزمان، ئۆمتیتی ، برایتوایت، پیانیچ، ماتیۆس ، نیتۆ) یێ گۆڵپارێز ژى خستییه‌ ناڤا لیستا فروتنێ.

هه‌روه‌سا ئاشكرا كرییه‌، لاپۆرتاى دڤێت پەیوەندیێن ب هێز ل گەل مینو رایۆلای بریكارێ هالاندى دروست بكه‌ت، داكو هاتنا هالاندى ئاسانتر لێ بهێت بۆ بارسا، هەروەسا لاپۆرتاى دڤێت ل گەل دەستپێكا وەرگرتنا پۆستێ سەرۆكاتییا بارسێلۆنا كۆمەكا گرێبەستێن باش و گونجاى ئەنجام بده‌ت، ژ پێخه‌مه‌ت باوه‌رییا زێده‌تر یا هانده‌ران و ئەندامێن وێ یانێ وەربگریت و بها و ناڤێ بارسا ڤه‌گه‌رینیته‌ڤه‌.