<h3 style="text-align: justify;"><span style="font-size: 18pt;">ئەندامێن جڤاتا ئاسایشێ یا سەر ب نەتەوێن ئێکگرتیڤه، بە کۆما دەنگان بریاردایه، دڤێت هەموو هێزێن بیانی بێى گیرۆبوون، ژ لیبیا دهركهڤن.</span></h3> <h3 style="text-align: justify;"><span style="font-size: 18pt;">ههروهسا گۆتییه: جڤاتا ئاسایشێ داخوازێ ژ هەموو لایەنان دكهت، ب تهمامى پابەندی ڕێککەفتنا ئاگربەستێ بن و جێبەجێ بکەن و هەموو وهلاتێن ئەندام یێن نەتەوێن ئیکگرتى ژى بهێنه هاندان كو رێزێ ل بجهئینانا وێ رێککەفتنێ بگرن.</span></h3> <h3 style="text-align: justify;"><span style="font-size: 18pt;">ئاژانسا (فرەنسا) دیار كرییه، ههتا دووماهییا سالا 2020، نێزیکی 20 هزار هێزێن بیانی چووینە ناڤ ئاخا لیبیا و ههتا نوكه نێزیکی سێ ههیڤ بورینه، لێ خوه ژ وى وهلاته ڤهنهكێشاینه.</span></h3> <h3 style="text-align: justify;"><span style="font-size: 18pt;">دەولەتا مەشروع ژ ئالیێ نەتەوێن ئێکگرتى و هێزێن لایەنگرێن جەنەرال حەفتەر ل ههیڤا ئۆکتۆبەرا سالا 2020 ئاگربەست ڕاگەهاندییه و ئێک ژ بەندێن وێ رێککەفتنێ، ئەوە د دهمێ سێ ههیڤان دا هەموو هێزێن سەربازی یێن بیانی ژ لیبیا دهركهڤن.</span></h3> <h3 style="text-align: justify;"><span style="font-size: 18pt;">تورکیا لایەنگرا دەولەتا لیبیا یە، نوكه بەشهك ژ رۆژئاڤا وى وهلاتى ل ژێر کۆنترۆلا وان دایە، نیڤا رۆژهەڵاتێ وى وهلاتى ژ ئالیێ جەنەرال حەفتەرى ڤه دهێته برێڤه برن و وهلاتێ مسرێ، رووسیا، ئیمارات و فرەنسا پشتهڤانیێ لێ دکەن.</span></h3>
