<h3 style="text-align: justify;"><span style="font-size: 18pt;">وەزارەتا بازرگانی و پیشه‌سازی یا حكومەتا هەرێما كوردستانێ پێدڤی ب فەرمانبەران هەیە، حكومەتا هه‌رێما كوردستانێ ژى رەزامەندی ل سه‌ر ڤه‌گوهاستنا فەرمانبەران بۆ وێ وەزارەتێ دایه.</span></h3> <h3 style="text-align: justify;"><span style="font-size: 18pt;">ل دووڤ نڤیساره‌كا وەزارەتا بازرگانی و پیشه‌سازی داخوازا فەرمانبەران بۆ سایلۆیێن (قوشتەپە، رۆڤیا، كەلار) كرییە، ل ده‌ستپێكێ وێ وەزارەتێ داخواز ژ حكومەتا هه‌رێما كوردستانێ كربوو، فەرمانبەرێن گرێبەست، یان هەمیشەیی بۆ وان سایلۆیان دابمەزرینیت، بەلێ سەرۆكاتییا جڤاتا وەزیرێن هه‌رێما كوردستانێ ره‌زامه‌ندی ل سه‌ر ڤه‌گوهاستنا فەرمانبەران ب خزمه‌ت، یان ب تەنسیب بۆ وان جهان دایه.</span></h3> <h3 style="text-align: justify;"><span style="font-size: 18pt;">ل دووڤ نڤیساره‌كا جڤاتا وەزیرێن هه‌رێما كوردستانێ، ل 25-2-2021 دەرچوویە، تێدا راگەهاندییە، هەر فەرمانبەره‌كێ ل هەر سازییه‌كا حكومەتا هەرێما كوردستانێ حه‌زا كاركرنێ ل سایلۆیێن (قوشتەپە، رۆڤیا، كەلار) هه‌بیت، ب شێوێ تەنسیب، یان ڤه‌گوهاستنا ب خزمه‌ت، دشێت جڤاتا وەزیران لێ ئاگه‌هدار بكه‌ت.</span></h3> <h3 style="text-align: justify;"><span style="font-size: 18pt;">هه‌روه‌سا گۆتییه، بۆ وان سایلۆیان وان پێدڤی ب 121 فەرمانبەران هەیە، بۆ سایلۆیا قوشتەپە 58 كارمەند بۆ سایلۆیا رۆڤیا 58 كارمەند، هەروەسا بۆ سایلۆیا كەلار ژى 58 كارمەند.</span></h3>
