رێژه‌یا گه‌شتياران ل ده‌روازه‌یا سه‌ر زێرى كێمبوويه‌

نه‌ساخيا كۆرۆنايێ رێژا هاتنوچوونێ ل ده‌روازه‌یا سه‌رزێرى ئينايه‌ دبن نيڤيێ دا و تێستا كۆڤيد 19 و وه‌رگرتنا كۆژمه‌كێ پاره‌ى ئه‌گه‌ره‌كێ سه‌ ره‌كى يه‌.
عيماد تاش وه‌لاتيه‌كێ گه‌ڤه‌رێ يه‌ د بێژيت: ئه‌و كوژمێ پاره‌ى ئه‌وێ ژ گه‌شتياران دهێته‌ وه‌رگرتن بۆ وان وه‌ك خه‌لكێ باكورێ كوردستانێ گه‌له‌كه‌ و ئه‌و داخازێ ژ حكومه‌تا هه‌رێما كوردستانێ دكه‌ن ئه‌گه‌ر‌ نه‌هێته‌ راكرن ژى، هه‌ر چنه‌ بهێته‌ كێم كرن.
عرفان سلێمان ئه‌لكيشكى رێڤه‌به‌رێ ده‌روازه‌يا سه‌ر زێرى بۆ خانى نيوز گۆت: راسته‌ رێژا هاتنوچوونێ ل ده‌روازه‌یا سه‌رزێرى كيمبوويه‌ و چوويه‌ د بن نيڤيێ دا، لێ نه‌ ژبه‌ر ئه‌گه‌را تێستا كۆرۆنايێ يه‌، به‌لكو كۆرۆنا بخوه‌ ئه‌گه‌ره‌، چونكى هێشتا ترسا نه‌خۆشيیا كۆرۆنايێ ل ده‌ف وه‌لاتيیان مايه‌ بۆ هندێ خوه‌ ژڤێ نه‌خۆشیيا مه‌ترسيدار ب پارێزن، هاتنوچوون سنوردار بوویه‌، ژ ئاليه‌كێ ديڤه‌ داهاتيێ وه‌لاتیيان ل ڤێ داويیێ كێمبوويه‌ ئه‌وژى هه‌ر كۆرۆنا ئه‌گه‌ره‌.
رێڤه‌به‌رێ ده‌روازێ ئه‌و ئێك ژى دازانين كو وه‌رزێ گه‌شتێ بۆ باكورێ كوردستانێ هێشتا ده‌ست پێ نه‌كريه‌، ئه‌و جهێن وه‌لاتيیێن وان ب مه‌ره‌ما گه‌شت و سه‌يرانان قه‌ست دكه‌نێ هێشتا ل وان ده‌ڤه‌ران وه‌رزێ زڤستانێ يه،‌ ب گه‌رمبوونا سه‌قایێ وان ده‌ڤه‌ران دێ رێژا گه‌شتياران بۆ باكورێ كوردستانێ به‌ره‌ف زێده‌بوونێ ڤه‌ چيت.

خانى نيوز، ئه‌حمه‌د ئه‌دنى