كۆمه‌لا ژین یا په‌ككه‌فتیێن كوردستانێ تایێ دهۆكێ، ب رێكا په‌یجێ خوه‌یێ تایبه‌تێ فه‌یسبووكێ داخاز ژ پارێزگه‌رێ دهۆكێ د. عه‌لى ته‌ته‌ر كریه كو كه‌سانێن ده‌ستپێكێ بن ل پارێزگه‌هێ بۆ وه‌رگرتنا ڤاكسینێ دژى کۆرۆنایێ.
د وێ به‌لاڤكرنێ دا هاتییە، جهێ خوشحالیێ یه كو رێژه‌كا باش یا قورچێن ڤاكسینێ دژى په‌ژیكا كورونایێ گه‌هشتیه كوردستانێ و ژڤانه رێژا پارێزگه‌ها دهۆكێ بهێته هنارتن له‌وما وه‌ك كومه‌لا ژین یا خودان پێدڤیێن تایبه‌ت داخازێ ژ پارێزگه‌رێ دهۆكێ د. عه‌لى ته‌ته‌ر دكه‌ین وه‌ك خودان پێدڤیێن تایبه‌ت ژ ته‌خا ده‌ستپێكێ بن كو ئه‌ف ڤاكسینه بۆ بهێنه‌دان چنكو كه‌سانێن په‌ككه‌فتى د كاودانێن نه‌خوش دا دژین و گه‌له‌كا نه‌خوشیێن (ئیفلیجێ، ئیفلیجا مێشكى، مه‌نگول، ته‌لاسیمیا، ئوتیززمێ) هه‌نه و گرنگه ئه‌ڤه ل به‌رچاف بهێته وه‌رگرتن چنكو به‌رگێریا له‌شێ ئه‌ڤان مرۆڤان ره‌نگه گه‌له‌ك یا كێم بیت.
هه‌ر دهه‌مان به‌لاڤكرن دا هاتییه كو ژبلى كاره‌كێ مرۆڤایه‌تى ئه‌ڤ كاره دێ بیته جهێ سه‌ربلندییێ بۆ هه‌مى خه‌لكێ پارێزگه‌هێ و بارسفكیه‌ك بۆ خێزان و كه‌س و كارێن ئه‌ڤێ ته‌خا گرنگ.
خانى نیۆز، سالار محه‌مه‌د دۆسكى
