دیار به‌روارى: ڤه‌كۆلین ل سه‌ر هه‌بوونا په‌كه‌كێ دهێته‌ كرن

دیار بەرواری ئەندامێ پەرلەمانێ ئیراقێ راگەهاند: حكومه‌تا هه‌رێما كوردستانێ ڤه‌كۆلینان ل سه‌ر ره‌وش و هه‌بوونا حزبا كاركه‌رێن كوردستانێ دكه‌ت، و بزاڤان دكه‌ت چاره‌یێن بله‌ز دگه‌ل حكومه‌تا ئیتحادى بینیت.

دیار به‌روارى گۆت ژى: كو هه‌بوونا حزب و سه‌ربازگه‌هان ل شنگالێ و مه‌خموورێ و نێزیكى كه‌ركووكێ و گه‌له‌ك ده‌ڤه‌رێن دى، نه‌ د یاسایى نه‌ و پێدڤییه‌ چاره‌سه‌رى ژلایێ حكومه‌تا مه‌ركه‌زیڤه‌ بهێنه‌ دان، ئه‌ڤ هه‌بوونا وان مه‌ترسییه‌ بۆ كێشێن ئێمناهییێ و سیاسى و جڤاكى كارتێكرنێ ل سه‌ر وه‌لاتى دكه‌ن ب شێوه‌كێ گشتى و ل هه‌رێمێ ژى.

به‌روارى ئاشكرا ژى كر، كو هه‌موو هێزێن ژ یاسایێ ده‌ركه‌فتین ئه‌و هێزێن نه‌ رێكخستى نه‌، ئه‌ڤه‌ ژى ئاسته‌نگه‌كه‌ به‌رامبه‌رى جێگیربوونا ئه‌منى و فشاره‌كه‌ ل سه‌ر هێزێن سیاسى و وێ كارتێكرن هه‌یه‌ ل سه‌ر بریارا سیاسى ل ده‌ڤه‌رێن ئه‌و لێ هه‌ین، و ئه‌ڤان هه‌مییان كارتێكرنه‌كا نه‌رینییا مه‌ترسییه‌، دیار كر ژى كو حكومه‌ت ڤه‌كۆلینان ل سه‌ر ره‌وشێ دكه‌ت و بزاڤان دكه‌ت چاره‌یێن بله‌ز بینیت دگه‌ل به‌غدا.