دەستەیا سەربخوەیا مافێن مرۆڤی ل دۆر دانانا مینان د رێیا پێشمەرگەی دا د پەیامەکێ دا ئەو کار شەرمزار کر و ب دژی مرۆڤاتیێ ب ناڤ کر. دەستەیا سەربخوەیا مافێن مرۆڤی ل ھەرێما کوردستانێ ل سەر روودانا دانانا مینان ل دەڤەرا سیدەکان ژ ئالیێ چەکدارێن پارتییا کارکەرێن کوردستانێ پەکەکێ ڤە و شەھیدکرنا پێشمەرگەیەکی و برینداربوونا پێشمەرگەیەکێ دی پەیامەک بەلاڤ کر و ئەو کار شەرمزار کر و ب کارەکێ دژی مرۆڤاتیێ ب ناڤ کر. دەستەیا سەربخوەیا مافێن مرۆڤی ل ھەرێما کوردستانێ ئاشکرا کر، ئەو کارێن پەکەکێ بووینە جھێ تێکدانا رەوش و ئارامیا وەلاتییان و ژ بەر وان کاران چەندین گوند و دەڤەر ھاتینە چوولکرن و زیانەکا مەزن ب کەرتێ چاندنێ و ژینگەھێ گەھاندینە و بنپێکاریێن مەزن ھمبەری خەلکێ وان دەڤەران ھاتینە کرن. دەستەیا سەربخوەیا مافێن مرۆڤی ل ھەرێما کوردستانێ د پەیاما خوەدا پشتەڤانییا خوە بۆ چارەکرنا کێشەیان ب رێیێن ئاشتیێ و دوور ژ شەر و پەڤچوونان دیار کر، ھیڤی ژی خواستن رێزێ ل سەروەرییا ئاخا کوردستانێ بگرن و داخواز ژ ئالیێن پەیوەندیدار کر سنۆرەکێ بۆ وان زێدەگاڤییان دانن.
